Onlayn ictimai-siyasi qəzet
Qazaxıstan səfərbərlikdən qaçan zabiti Rusiyaya deportasiya edib
Qazaxıstanın hüquq-mühafizə orqanları Rusiya Federal Təhlükəsizlik Xidmətinin zabiti Mixail Jilini Rusiyaya deportasiya edib.
Musavat.com Qazaxıstan mediasına istinadla xəbər verir ki, Mixail Jilinin Rusiyaya deportasiyası prosesi dekabrın 29-da başlayıb.
Zabitin həyat yoldaşı Yekaterina Jilina bu barədə mətbuata açıqlama verərək deyib: “O, kameradan mənə zəng etdi, Semeydə olduğunu dedi. İndi onu Rusiya ilə sərhədə aparacaqlar. Deyirlər ki, onu artıq Veseloyarsk keçid məntəqəsinə aparıblar".
Qadının qeyd etdiyi kimi, bu, Rusiyanın tələbi ilə ekstradisiya deyil, sərhədi keçmə qaydalarını pozduğuna görə deportasiyadır. Onun sözlərinə görə, onu istənilən yerə deportasiya etmək olardı, amma zabit Rusiyaya aparılıb.
“Mən hüquq müdafiəçiləri və vəkilləri araşdırmağa çalışıram, onlar mənə onu axtardıqlarını dedilər. Qazaxıstan Beynəlxalq İnsan Haqları Bürosu təsdiqləyib ki, onlar miqrasiya polisinə sorğu veriblər, Mixaili sərhədçilərə təhvil veriblər, sərhədçilər isə onu Rusiyaya təhvil verdiklərini bildiriblər”, - Yekaterina Jilina bildirib.
FTX zabiti Mixail Jilin səfərbərlik elan edildikdən sonra həyat yoldaşı və uşaqları ilə birlikdə Rusiyanı tərk edib. O, rus sərhədçilərinin onu buraxmayacağından qorxduğu üçün sərhədi meşədən keçib. Nəticədə Rusiya Federasiyası və Qazaxıstan həmin şəxsi sərhədi qanunsuz keçməkdə ittiham edib. Rusiyada isə zabitə qarşı fərarilik ittihamı irəli sürülüb və o, beynəlxalq axtarışa verilib. Qazaxıstan həmin şəxsə sığınacaq verməyib və deportasiya haqqında qərar verib.
Daha əvvəl bildirilirdi ki, sentyabrın 21-dən başlayaraq 205 min Rusiya vətəndaşı Qazaxıstandan tranzit platforma kimi istifadə edərək başqa ölkələrə gedib. 47 min Rusiya vətəndaşı Qazaxıstandan Özbəkistana, 46 min nəfər Qırğızıstana, 37 min nəfər Türkiyəyə, 19 min nəfər isə BƏƏ-yə keçib.
Ümumilikdə, 2022-ci ildə Qazaxıstana 5 milyon 610 min əcnəbi daxil olub. Birinci yerdə Rusiya Federasiyasından olan immiqrantlardır – 2,9 milyon nəfər.
3,5 mindən çox rusiyalı Qazaxıstan Respublikasında daimi yaşamaq üçün müraciət edib. Eyni zamanda minə yaxın şəxs Qazaxıstan vətəndaşlığı üçün müraciət edib.
Musavat.com
XƏBƏR LENTİ
12 Oktyabr 2024
11 Oktyabr 2024
ŞƏRHLƏRŞƏRH YAZ