Onlayn ictimai-siyasi qəzet
Moskvada Rusiyanın qondarma “DXR” və “LXR”in müstəqilliyinin tanınmasının ildönümünə təsadüf edən konsert-mitinqə gəlmək istəyənlərin hər birinə 500 rubl (təxminən 12 AZN) ödəyəcəklərini vəd edilir.
Musavat.com xəbər verir ki, bu barədə “Mojem obyasnit” portalı məlumat yayıb.
Bundan əlavə, Moskva Politexnik Universitetinin bəzi tələbələrinə konsertə pulsuz gəlməyi və dostlarını gətirmələrini xahiş edən mesajlar gəlib. Arzu edənlərdən Federal Mühafizə Xidməti tərəfindən yoxlanılmaq üçün pasportlarının fotoşəkillərini göndərmələri tələb olunur.
Qeyd edək ki, söhbət fevralın 22-də Lujnikidə keçiriləcəyi elan edilən konsertdən gedir. Həmin tədbirdə RF prezidenti Vladimri Putinin də iştirak edəcəyi gözlənilir. Bir gün əvvəl, fevralın 21-də onun Federal Məclisdə (Dövlət Duması və Federal Şuranın birgə iclası belə adlanır). Konsertin planlaşdırılan auditoriyası 200 min nəfərdir.
Putin sonuncu dəfə martın 18-də, Ukraynaya qarşı müharibənin başlamasından üç həftə sonra Lujnikidə çıxış edib. Tamaşa Krımın işğalının səkkizinci ildönümünə həsr olunub.
“Mojem obyasnit” ötənilki konsertə gələnlərə daha çox, 1500 rubl ödənildiyini xatırladıb.
Musavat.com
10 Oktyabr 2024
ŞƏRHLƏRŞƏRH YAZ