Onlayn ictimai-siyasi qəzet
Putinin dostunun oğlu Norveçdə həbs edilib
Norveç polisi əhalisinin təxminən 15 faizi Rusiya vətəndaşları olan Şimal Buzlu Okeanında yerləşən Şpitsbergen (Svalbard) arxipelaqında drondan çəkiliş aparan 47 yaşlı rusiyalını iki həftə müddətinə həbs edib.
Musavat.com xarici agentliklərə istinadən xəbər verir ki, həbs edilən şəxs Rusiya Dəmir Yollarının keçmiş rəhbəri və Rusiya prezidenti Vladimir Putinin dostu sayılan Vladimir Yakuninin oğlu Andrey Yakuninin oğludur.
47 yaşlı Yakunin Böyük Britaniya və Rusiya vətəndaşıdır, İtaliyada yaşayır və investisiya biznesi ilə məşğuldur. Krımın işğalından sonra onun atasına qarşı ABŞ tərəfindən sanksiyalar tətbiq edilib. İş adamının özü yazda İtaliya televiziyasına verdiyi müsahibədə heç vaxt Putinə və ya “Vahid Rusiya” partiyasına səs vermədiyini və Ukraynadakı müharibənin əleyhinə olduğunu deyib.Yakuninin pilotsuz uçan aparatı müsadirə edilib.
Xatırladaq ki, Avropa Birliyi ölkələri və Norveç fevral ayında Rusiyanın Ukraynaya müdaxiləsindən sonra ruslara öz ərazilərində pilotsuz təyyarələrdən istifadə etməyi qadağan edib. Son bir həftə ərzində Norveçdə bu qaydanı pozduğuna görə 7 nəfər həbs olunub - onlardan dördü, strateji obyektlərin havadan fotolarını çəkirmiş.
Musavat.com
XƏBƏR LENTİ
04 Oktyabr 2024
ŞƏRHLƏRŞƏRH YAZ