Onlayn ictimai-siyasi qəzet
Putin Pezeşkiana görün nə HƏDİYYƏ ETDİ - VİDEO
Rusiya prezidenti Vladimir Putin iranlı həmkarı Məsud Pezeşkiana samovar və qış mənzərəsini əks etdirən Rusiya tablosu hədiyyə edib.
Musavat.com xəbər verir ki, bu anları jurnalist Pavel Zarubin özünün "Telegram" kanalında paylaşıb.
"Rusiya xatirəsi olaraq bu hədiyyələri qəbul edin. Rusiya qışda məhz belə görünür", – Putin qarlı meşə təsvir olunan tablonu Pezeşkiana göstərərək deyib.
Putinin digər hədiyyəsi isə samovar olub.
"Bu da bizim ənənəvi məhsulumuz – samovar", – deyə Putin hədiyyəni təqdim edib. “Biz də “samavar” deyirik!”, - Pezeşkian gülümsəyərək cavab verib.
Daha sonra prezidentlər əl sıxıblar. İran prezidenti hədiyyələrə görə Putinə təşəkkürünü bildirib.
Qeyd edək ki, yanvarın 17-də Kremldə danışıqlardan sonra Rusiya və İran prezidentləri Vladimir Putin və Məsud Pezeşkian iki ölkə arasında Hərtərəfli Strateji Tərəfdaşlıq haqqında Saziş imzalayıblar.
Musavat.com
XƏBƏR LENTİ
19 Yanvar 2025
ŞƏRHLƏRŞƏRH YAZ