Onlayn ictimai-siyasi qəzet
Peskov Paşinyana CAVAB verdi
“Kreml Ermənistanın KTMT-də iştirakı ilə bağlı mövqeyini tam aydınlaşdırmaq niyyətindədir”.
Musavat.com xəbər verir ki, bu barədə Rusiya prezidentinin mətbuat katibi Dmitri Peskov jurnalistlərin sualını cavablandırarkən deyib.
O bildirib ki, təşkilatın nizamnaməsində “dondurulmuş üzvlük” statusu nəzərdə tutulmayıb.
Peskov Nikol Paşinyanın KTMT-yə üzvlüyün dondurulması ilə bağlı bəyanatından sonra Ermənistanın təşkilatın fəaliyyətində gələcək iştirakı ilə bağlı hələ ki, aydınlığın olmadığını qeyd edib.
“Erməni tərəfdaşlarımızla kifayət qədər tez-tez təmaslarımız olur və təbii ki, biz bunu aydınlaşdıracağıq. Müvafiq sənədlərə əsasən, KTMT proqramında de-yure rejim (dondurulmuş üzvlük) yoxdur. Müzakirə edəcəyik, aydınlaşdıracağıq”, - deyə Kreml rəsmisi əlavə edib.
Nigar HƏSƏNLİ,
Musavat.com
XƏBƏR LENTİ
27 Noyabr 2024
ŞƏRHLƏRŞƏRH YAZ