Onlayn ictimai-siyasi qəzet
“Ukrayna hadisələri başlayanda Ermənistan balanslı mövqe tutmağa çalışdı və bu, bütün tərəfdaşların razılığına səbəb oldu, lakin hazırda Ermənistanın manevr imkanları daralır”.
Musavat.com erməni mediasına istinadən xəbər verir ki, bu fikri Ermənistanın baş naziri Nikol Paşinyan Demokratiya Forumunda çıxışı zamanı deyib.
O, yeni gəlişməni ölkəsi üçün ciddi təhdid və problem hesab etdiyini bildirib.
“Bəs xarici təhlükələr nələrdir? 10 may 2021-ci ildə istefam qüvvəyə minmiş və parlament buraxılmışdı. Əslində, ölkədə hökumət və parlament yox idi. Mayın 12-də Azərbaycan yenidən hücuma keçdi və yeni ərazilər ələ keçirdi. Lakin KTMT sıfır reaksiya göstərdi.
İndi yüksək rütbəli hərbçilər cinayət işi üzrə həbs olunublar, çünki o vaxt Ermənistanın ərazisini (?) qorumaq üçün heç bir tədbir görmədilər. Əgər o zaman reaksiyamız başqa cür olsaydı, indi biz həm demokratiyanı, həm də dövləti itirərdik”, - deyə Ermənistanın baş naziri bildirib.
Musavat.com
06 Oktyabr 2024
ŞƏRHLƏRŞƏRH YAZ