Onlayn ictimai-siyasi qəzet
Paşinyan kilsə barədə işlətdiyi sözlərə görə üzr istədi
Ermənistanın baş naziri Nikol Paşinyan Erməni Apostol Kilsəsinin ruhaniləri qarşısında çıxış edərkən siyasətçiyə yaraşmayan ifadələr işlətdiyinə görə üzr istəyib.
Musavat.com xəbər verir ki, o, üzrxahlığını özünə məxsus Facebook səhifəsində dərc edib: "Korrupsiyaya Qarşı Mübarizə Komissiyası mənim çıxışımda iki məlum epizodda davranış qaydalarının pozulmasını qeydə alıb. Bəzi qiymətləndirmələrlə tam razılaşmamağıma baxmayaraq, üzr istəyirəm".
Paşinyan üzrxahlığın komissiyanın qərar verdiyi yalnız iki ifadəyə aid olduğunu vurğulayıb.
Bundan əvvəl komissiya Paşinyanın məmurun davranış kodeksini pozduğu qənaətinə gəlib. Təhqiqat Paşinyan Erməni Apostol Kilsəsinin ruhaniləri haqqında xoşagəlməz şərhlərin yer aldığı yazı dərc etdikdən sonra başlayıb. Baş nazirin açıqlamaları linqvistik ekspertizadan keçirilib və müəyyən edilib ki, erməni dilində “dompel” sözünün iki mənası (“vurmaq” və “cinsi əlaqədə olmaq”) var və baş nazir öz postunda ikinci mənadan istifadə edib. Ekspertlərin qənaətinə görə, Paşinyanın yazısında “söz seçimi ilə bağlı kobud və ədəbsiz subtekst var”.
Musavat.com
XƏBƏR LENTİ
18 Avqust 2025
17 Avqust 2025
ŞƏRHLƏRŞƏRH YAZ