Onlayn ictimai-siyasi qəzet
Ombudsman nümayəndələri Suriyadan gətirilən azərbaycanlılarla görüşüb
Ombudsmanın nümayəndələri Suriyadan repatriasiya olunmuş şəxslərlə görüşüblər.
Ombudsman Aparatından Musavat.com-a verilən məlumata görə, Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva tərəfindən xarici ölkədə çətin həyat şəraitində yaşayan vətəndaşlarımızın repatriasiyası, həmçinin onların hüquq və azadlıqlarının təmin olunması məsələləri diqqətdə saxlanılır.
2025-ci il 3 iyun tarixində 9-u uşaq olmaqla daha 13 Azərbaycan Respublikası vətəndaşının Suriya Ərəb Respublikasından ölkəmizə repatriasiyası həyata keçirilib.
Ombudsman Aparatının əməkdaşları Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin sosial xidmət müəssisəsinə yerləşdirilmiş həmin repatriantlarla görüş keçirib, onların hüquqlarının təmin olunması vəziyyəti araşdırılıb. Eyni zamanda, müəssisə rəhbəri və əməkdaşları ilə söhbət aparılıb, repatriantların reabilitasiyası üzrə həyata keçirilən və planlaşdırılan tədbirlər barəsində məlumat əldə edilib. Görüş çərçivəsində repatriantların yaşayış şəraiti, psixoloji durumu və ehtiyacları qiymətləndirilib, onların hüquqlarının müdafiəsi, həmçinin sosial, səhiyyə, təhsil, məşğulluq və digər müvafiq dövlət xidmətlərindən istifadəsi ilə bağlı tövsiyələr verilib.
Görüşdə repatriantlara Müvəkkilin fəaliyyət istiqamətləri və ona müraciət imkanları barədə ətraflı məlumat verilib.
Nigar HƏSƏNLİ
Musavat.com
XƏBƏR LENTİ
13 Iyun 2025
ŞƏRHLƏRŞƏRH YAZ