İnsanlara hürriyət, millətlərə istiqlal!

Nəhəng təyyarənin yanma səbəbi açıqlandı - sərnişinin power bankı hər şeyi...

Musavat.com xəbər verir ki, Cənubi Koreyada yanvar ayında baş verən sərnişin təyyarəsi yanğınının mümkün səbəbi olaraq daşınan enerji bankı (power bank) göstərilir. Bu barədə yerli hakimiyyət orqanları araşdırmanın ilkin nəticələrinə əsasən məlumat yayıb.

Hadisə 28 yanvar tarixində ölkənin cənubunda yerləşən Gimhe Beynəlxalq Hava Limanında baş verib. Air Busan aviaşirkətinə məxsus Airbus A321ceo model təyyarədə baş verən yanğın nəticəsində üç nəfər yüngül xəsarət alıb.

Cənubi Koreyanın Nəqliyyat Nazirliyinin verdiyi açıqlamada bildirilir ki, yanğının başlama səbəbi yüksək ehtimalla power bank batareyasının izolyasiyasının sıradan çıxmasıdır. Yanğın ilk dəfə baqaj rəfində aşkarlanıb və burada tapılan power bankın qalıqlarında yanıq izləri müəyyən edilib.

Lakin istintaq orqanları batareyanın sıradan çıxmasına konkret nə səbəb olduğunu dəqiq müəyyən edə bilməyib. Qeyd edək ki, araşdırma hələ tam yekunlaşmayıb və bu, qəza ilə bağlı son hesabat deyil.

Son illərdə aviaşirkətlər litium-ion batareyalarının təhlükəli ola biləcəyini nəzərə alaraq sərt qaydalar tətbiq edirlər. Beynəlxalq Mülki Aviasiya Təşkilatının 2016-cı ildə verdiyi qərara əsasən, litium-ion batareyaları sərnişin təyyarələrinin yük bölməsinə yerləşdirilməsinə qadağa qoyulub.

Hadisədən sonra Air Busan aviaşirkəti qaydaları daha da sərtləşdirərək power bankların əl baqajında saxlanmasına icazə verməyəcəyini elan edib. Şirkət bu qərarı power bankların tez-tez həddindən artıq qızması və təhlükə yaratması ilə izah edib.

Bundan əlavə, Çin Hava Yolları, Thai Airways və Singapore Airlines da daxil olmaqla bir çox aviaşirkətlər oxşar qaydalar tətbiq etməyə başlayıblar. 1 aprel tarixindən etibarən Singapore Airlines və onun aşağıbüdcəli bölməsi Scoot da təyyarədə power banklardan istifadəni və onların şarj edilməsini tam qadağan edəcək.

Cənubi Koreya hökuməti isə 28 fevral tarixindən etibarən bütün sərnişinlərə power bank və digər portativ enerji qurğularını baqaj rəflərində deyil, öz üzərlərində daşımağı məcburi edib.

Mənbə: https://www.bbc.com/news/articles/cj3n25rdr3lo?utm_campaign=WhatsApp+March+2&utm_medium=bitly&utm_source=WhatsApp2025

 


Musavat.com

ŞƏRHLƏRŞƏRH YAZ

Şərh yoxdur

ƏLAQƏLİ XƏBƏRLƏR

15.03.2025 16

Cənubi Afrika Respublikasının səfiri ABŞ-dan QOVULDU
15.03.2025 55

G7 Ukraynaya sarsılmaz dəstək elan etdi - ABŞ razılaşdı...
15.03.2025 135

Stiven Faynberq Pentaqonun birinci müavini vəzifəsinə təsdiqlənib

XƏBƏR LENTİ

15 Mart 2025

14 Mart 2025

BÜTÜN XƏBƏRLƏR