Onlayn ictimai-siyasi qəzet
Nazarbayevin bacısı oğlunun xaricdəki 104 milyon dollarlıq aktivi dövlətə verilir
Qazaxıstanın hüquq-mühafizə orqanları ölkənin birinci prezidenti Nursultan Nazarbayevin bacısı oğlu Kayrat Satıbaldıula qarşı iş üzrə 50 milyard təngədən (104 milyon dollardan çox) çox olan aktivlərin ölkəyə qaytarılması üzərində işləyir.
Musavat.com xəbər verir ki, bu barədə Qazaxıstan Baş Prokurorluğunun Əmlakın Bərpası Komitəsinin mətbuat xidməti məlumat yayıb.
Məlumatda qeyd edilir ki, Komitə Kairat Satıbaldıulın “təqsirli bilinməsi və qanunsuz əldə edilmiş aktivlərin geri qaytarılması ilə bağlı prosessual razılaşmanın şərtlərini yerinə yetirməsini təmin etmək üçün çalışır”.
İndiyədək 18 milyard tenge (37 milyon dollardan çox) dəyərində aktivlər artıq geri qaytarılıb. Bunlara Almatıda iki biznes mərkəzi, kommersiya daşınmaz əmlakı və Astanada elit ev daxildir. Axtarışlar zamanı Satıbaldıuldan götürülən 95 min dollar xüsusi dövlət fonduna köçürülüb. Bundan əlavə, zərgərlik məmulatları, markalı saatlar, eksklüziv zinət əşyaları və kolleksiya sikkələri dövlətə qaytarılıb.
Satıbaldıu və onun yaxın adamlarına məxsus ümumi dəyəri 33 milyard tenge (68 milyon dollardan çox) olan xarici əmlakın transferi son mərhələdədir. Bunlara Dubayda iki villa, Fransız Rivierasında dörd dəbdəbəli mənzil, Moskvanın prestijli yaşayış komplekslərindəki 15 mülk, iki lüks villa və Türkiyədə bir mənzil daxildir.
Musavat.com
XƏBƏR LENTİ
26 Noyabr 2024
25 Noyabr 2024
ŞƏRHLƏRŞƏRH YAZ