Onlayn ictimai-siyasi qəzet
Moldova və Rumıniya birləşsə, Qaqauziyda referendum keçiriləcək
Moldova və Rumıniyanın birləşməsi halında Qaqauziyada ayrıca referendum keçiriləcək.
Musavat.com xarici mediaya istinadla xəbər verir ki, bunu Qaqauz Yeri muxtariyyatının başqanı (rəhbəri) Yevgeniya Qutsul bildirib.
Qutsul “Qələbə” blokunun Moskvada keçirilən konqresi ərəfəsində Rumıniya və Moldovanın birləşdirilməsi ehtimalını şərh edib. O, Qaqauziya sakinlərinin fikirlərini ifadə etmək üçün referendum keçirməyi planlaşdırdığını açıqlayıb.
“Sakinlərin fikrincə, biz qərar əsasında hərəkət etməliyik”, - deyə region rəhbəri vurğulayıb.
Əvvəllər Moldova sakinlərinin yarıdan çoxu respublikanın NATO və Rumıniyaya daxil olmasına qarşı çıxırdı. Ölkə sakinlərindən ölkənin NATO, Avropa İttifaqına daxil olması və Rumıniya ilə birləşməsi ilə bağlı referendumlarda öz mövqelərini bildirmələri istənilib.
Onu da qeyd edək ki, Qaqauz Yeri muxtariyyatının rəhbərliyi son illərdə açıq Moskvapərəst siyasət yeridir və rəsmi Kişinyovla "məxməri intriqa" içindədir.
Musavat.com
XƏBƏR LENTİ
21 Sentyabr 2024
ŞƏRHLƏRŞƏRH YAZ