Onlayn ictimai-siyasi qəzet
Mask braziliyalı hakimi HƏDƏLƏDİ: Sabah dərc edəcəyik...
İlon Mask ölkədə “X”in (keçmiş Tvitter) fəaliyyətinin dayandırılmasına göstəriş verən braziliyalı hakim Alexandri de Moraisin cinayətlərinin siyahısını dərc edəcəyini bildirib.
Musavat.com xəbər verir ki, o, bunu özünün “X” hesabında yazıb.
“Sabah biz Moraisin pozduğu konkret Braziliya qanunlarını göstərən uzun bir cinayət siyahısını dərc etməyə başlayacağıq. Aydındır ki, o, ABŞ qanunlarına riayət etməli deyil, lakin öz ölkəsinin qanunlarına əməl etməlidir”, - İlon Mask qeyd edib.
Mask hakimi “saxtakar və diktator” adlandırıb.
Bundan əvvəl Braziliya Ali Məhkəməsinin hakimi Alexandri de Morais “X”in ölkədəki fəaliyyətinin dayandırılması barədə qərar qəbul edib. Qeyd olunur ki, məhkəmənin qərarı sosial şəbəkənin sahibi İlon Maskın Braziliyada qanuni nümayəndə təyin etməkdən imtina etməsindən sonra verilib.
“X” avqustun 17-də işçilərinə təhdidlər səbəbindən Braziliyadakı nümayəndəliyini bağladığını elan edib. Şirkət de Moraisdən gizli xəbərdarlıq aldığını, nümayəndəliyin hüquq məsləhətçisinin müəyyən hesabların bloklanması əmrinə əməl etmədiyi təqdirdə onu həbslə hədələdiyini iddia edib. Sosial şəbəkənin braziliyalı istifadəçilər üçün əlçatan qalacağı bildirilib.
Aprel ayında “CNN Brasil” “X”in ABŞ Konqresinə Braziliya Federal Ali Məhkəməsinin mülayim məzmun tələbi ilə bağlı məlumat verdiyini bildirib. Braziliya mətbuatının yazdığına görə, Mask de Moraisi respublikanın keçmiş prezidenti Jair Bolsonarunun bir neçə tərəfdarının hesablarını bloklamağa cəhd edərək konstitusiyanı pozmaqda ittiham edib. Milyarder əks halda hesabları bloklamaq üçün ictimai tələblər irəli sürməklə hədələyərək hakimə istefa verməyi təklif edib.
De Morais Maskın Braziliya ədalətinə mane olduğu və sosial mediadan “dezinformasiya yaymaq, hüquqi demokratik dövlətin təsisatlarını pozmaq” üçün istifadə etdiyi iddialarının araşdırılmasını əmr edib.
Hakim xəbərdarlıq edib ki, respublikanın hakimiyyət orqanları “xaricdə yerləşən milyarderlərin sosial şəbəkələrə nəzarət etməsi, qanunları pozmağa icazə verməsi, məhkəmə qərarlarına məhəl qoymaması və Braziliyanın dövlət qurumlarını hədələməsi” vəziyyətinə dözməyəcək.
Musavat.com
XƏBƏR LENTİ
20 Sentyabr 2024
ŞƏRHLƏRŞƏRH YAZ