Onlayn ictimai-siyasi qəzet
145 saylı məktəbdə hələ də istilik yoxdur-"Azəristilik" səbəbi AÇIQLADI
"145 saylı məktəbdə bir neçə gündür ki, istilik yoxdur. Mən sahə rəisi ilə də danışdım. Sahə rəisimiz sentyabrın 10-da məktəbin direktoruna məktəbdaxili xətlərin köhnə olması ilə bağlı xəbərdarlıq edib və qeyd edib ki, mövsüm başlayana kimi bunu bərpa edin, onlar da görünür bu məsələyə məhəl qoymayıblar".
Bu fikirləri Musavat.com-a "Azəristiliktəchizat” ASC-nin mətbuat katibi Elvin Basqallı deyib.
"Bizim həmin məktəbi təmin edən qazanxanamız da işləyir, magistral və məhəllə daxili xətlərimiz də işləyir. Məktəb daxilində axıntı var, ona görə də ora istiliyin verilişi dayandırılıb. Hətta kömək məqsədilə qazıntı işlərini də biz aparmışıq. Axıntının olduğu yeri də göstərmişik, demişik ki, düzəldin", - deyə qurum rəsmisi əlavə edib.
Qeyd edək ki, bir gün öncə valideynlər Musavat.com-a məsələ ilə bağlı şikayət etmişdilər.
Afaq Mirayiq,
Musavat.com
ƏLAQƏLİ XƏBƏRLƏR
XƏBƏR LENTİ
26 Noyabr 2024
ŞƏRHLƏRŞƏRH YAZ