Onlayn ictimai-siyasi qəzet
Marko Rubiodan USAID açıqlaması
Donald Tramp administrasiyası ABŞ-ın Beynəlxalq İnkişaf Agentliyinin (USAID) ləğv edilməsinin Çin tərəfindən beynəlxalq təsirin gücləndirilməsinə səbəb olacağından narahat deyil.
Musavat.com xəbər verir ki, bu barədə ABŞ-ın dövlət katibi Marko Rubio "Fox News" telekanalına verdiyi müsahibədə bildirib.
Aparıcının "agentliyin ləğvi Çinin təsirini artıra bilərmi" sualına Rubio mənfi cavab verib: "Onlar bununla məşğul olmurlar".
Bununla belə, Marko Rubio qeyd edib ki, Çin belə bir təşəbbüslə çıxış etsə, ABŞ-la rəqabət aparmaq məcburiyyətində qalacaq.
Onun sözlərinə görə, USAID faktiki olaraq "qlobal xeyriyyə fonduna" çevrilib.
"Onlar vergi ödəyicilərinin pullarını alıb, qlobal xeyriyyə fondu kimi xərcləyirlər. Üstəlik, bu vəsaitlərin xərclənməsinin ABŞ-ın milli maraqlarına uyğun olub-olmadığı da məlum deyil", - deyə Rubio qeyd edib.
Dövlət katibi əlavə edib ki, USAID tez-tez ABŞ hökumətinin müəyyən ölkələrdəki səylərini zəiflədir.
"Onlar elə proqramları dəstəkləyirlər ki, bu, bizim geniş məsələlər çərçivəsində əməkdaşlıq etməyə çalışdığımız hökumətləri narahat edir. Onlar tamamilə nəzarətsizdir. Onlar ABŞ-a xidmət etdiklərini düşünmürlər", - deyə Rubio qeyd edib.
Musavat.com
XƏBƏR LENTİ
04 Fevral 2025
ŞƏRHLƏRŞƏRH YAZ