Onlayn ictimai-siyasi qəzet
Koreyalı döyüşçülər Ukraynadan QAÇDI, Amerika tankları RUSİYA ƏRAZİSİNƏ GİRDİ – CANLIda
Şimali Koreyanın Rusiyanın Ukraynadakı müharibəsinə dəstək üçün göndərdiyi qoşunlar ağır itki verdikdən sonra cəbhə xəttindən çıxarılıb.
“AzPolitika” xəbər verir ki, bu barədə ABŞ-nin “New York Times” nəşri ABŞ və Ukrayna rəsmilərinə istinadla məlumat yayıb.
Onların maddi-texniki çatışmazlıqlar, zəif koordinasiya və Ukrayna ordusunun əks-hücumları səbəbindən böyük itkilər verdiyi bildirilir. Belə ki, 2024-cü ilin noyabrında Rusiyaya gələn 11000 Şimali Koreya əsgərinin yarısından çoxu ölüb və ya yaralanıb. Qeyd olunub ki, son iki həftə ərzində heç bir Şimali Koreya əsgəri cəbhə xəttində görünməyib.
Ukrayna kəşfiyyatının məlumatına görə, Şimali Koreya əsgərləri rus qoşunları ilə adekvat şəkildə uzlaşa bilməyiblər və ağır silah dəstəyi olmadan birbaşa cəbhə xəttinə göndəriliblər. Qoşunların zirehli texnika dəstəyi olmadan irəliləməyə məcbur edilməsi və Ukraynanın intensiv artilleriya atəşinə məruz qalması nəticəsində itkilər artıb.
ABŞ və Qərb kəşfiyyat mənbələrinin məlumatına görə, Şimali Koreya əsgərlərinin bu formada istifadəsi Pxenyanda narahatlıq yaradıb. Rəsmilər Kim Çen Inın bundan sonra Rusiyaya qoşun göndərməkdə daha ehtiyatlı ola biləcəyini proqnozlaşdırırlar.
Nəşrə görə, Şimali Koreya qoşunlarının cəbhədən çıxarılması Rusiya ordusu üçün böyük itki hesab olunur.
Qeyd olunur ki, onsuz da əsgər qıtlığı yaşayan Moskva indi bu boşluğu doldurmaq üçün yeni resurslar tapmalıdır. Digər tərəfdən, Ukrayna ordusu bu inkişafdan istifadə edərək Kursk bölgəsində yeni hücuma keçib. Bununla belə, Rusiyanın bölgəyə yeni qoşunlar göndərməklə Ukraynanın irəliləyişini dayandırmağa çalışdığı bildirilir.
Qərb hərbi ekspertləri təsdiqləyiblər ki, Şimali Koreya əsgərləri yenidən təlim keçdikdən sonra cəbhə xəttinə qayıda bilər, lakin hələlik bütün qoşunlar bu sahədən çıxarılıb.
Bu və gündəmdəki bir çox xəbərləri bu gün saat 14.00-də aparıcı Sevinc Telmanqızının təqdimatındakı “Canlı debat” verilişində izləyə bilərsiz. Qonağımız Ukrayna azərbaycanlıları Birləşmiş Diasporunun mətbuat katibi Qabil Osmanlıdır. Müzakirədə tamaşaçılarımız da iştirak edə bilər.
XƏBƏR LENTİ
31 Yanvar 2025
ŞƏRHLƏRŞƏRH YAZ