Onlayn ictimai-siyasi qəzet
Köhnə dostlar düşmən oldu, Pentaqon işə qarışdı - Milyarderin ŞOK UKRAYNA QƏRARI
Milyarder iş adamı İlon Mask Rusiyanın Ukraynaya müdaxiləsindən dərhal sonra "SpaceX"in Starlink peyk-internet sistemini Ukraynada aktivləşdirmək qərarına gəlmişdi.
İlon Mask Twitter-də bildirib ki, indiyədək Ukraynaya 20.000 Starlink peyk-internet sistemi hədiyyə edilib və bu, SpaceX-ə 80 milyon dollara başa gəlib. Mask bu xərcin ilin sonunda 100 milyon dolları keçəcəyini bildirib.
Musavat.com xəbər verir ki, "CNN İnternational"ın əldə etdiyi məlumata görə, Pentaqon müdaxilə edib milyonlarla dollar ödəməsə, bu yardımları sona çatacaq.
İLON MASK QƏRARINI VERDİ
"SpaceX"in sentyabr ayında ABŞ Müdafiə Nazirliyinə (Pentaqon) yazdığı Aleks Marquardt imzalı məktubda bildirilir ki, şirkət artıq Ukraynadakı xidməti maliyyələşdirməyə davam edə bilməz. Məktubda, həmçinin Pentaqonun Ukrayna hökuməti və hərbi istifadə üçün təklif olunan Starlink xidmətinin maliyyələşdirilməsini öz üzərinə götürməsi tələb olunur.
Şirkətin satış direktoru tərəfindən yazılmış məktubda deyilir: "Biz nə Ukraynaya daha çox terminal bağışlamaq, nə də mövcud terminalları qeyri-müəyyən müddətə qədər maliyyələşdirmək iqtidarında deyilik"
"SpaceX"in iddialarına görə, Ukraynada göstərilən xidmətin dəyəri ilin qalan hissəsində 120 milyon dollara, yaxın 12 ayda isə 400 milyon dollara çata bilər.
PENTAQON DƏRHAL İŞƏ QARIŞDI
ABŞ Müdafiə Nazirliyi (Pentaqon) məsələ ilə bağlı "SpaceX" şirkəti ilə danışıqlar apardığını açıqlayıb.
Pentaqonun sözçüsünün köməkçisi Sabrina Sinq İlon Maskın Ukraynaya pulsuz təqdim edilən Strarlink peyk internet xidmətinin xərclərini artıq ödəyə bilməyəcəyi və ödənişin Pentaqon tərəfindən həyata keçiriləcəyi ilə bağlı yayılan məlumata aydınlıq gətirib.
“Nazirliyin Starlink ilə bağlı "SpaceX" ilə əlaqə saxladığını təsdiq edirəm. Hələlik əlavə təfərrüatları açıqlaya bilmərəm”, - Sabrina Sinq bildirib.
Sinq hələlik Ukraynanın əvəzindən "SpaceX"ə ödəmək üçün yardım paketinin olmadığını bildirib:
“Biz, şübhəsiz ki, istənilən SATCOM-un (peyk rabitə mərkəzi) üstünlüklərindən xəbərdarıq və ukraynalılara ondan təkcə döyüş meydanında deyil, həm də evdə istifadə etməyə imkan veririk. Biz bu məsələdə həssaslığı başa düşürük. Peyk rabitəsinin təkcə döyüş meydanında deyil, bütün ərazilərdə toxunulmaz qalması vacibdir. Biz hələ də ukraynalıların ehtiyaclarını ən yaxşı şəkildə necə qarşılayacağımıza dair variantları nəzərdən keçiririk və SATCOM kommunikasiyalarında əlimizdən gələni etməyə çalışırıq".
Xatırladaq ki, əvvəllər Ukraynanı dəstəkləyən və yardım edən, lakin bir müddət sonra Krımın Rusiyanın bir hissəsi olduğunu deyən Mask Ukraynanın bu məsələdə neytral qalmalı olduğunu bildirib. Bu tvit qısa müddətdə müzakirələri alovlandırıb.
Ukrayna lideri Vladimir Zelenskinin Maska reaksiyası gecikməyib.
İlon Maska sorğu ilə cavab verən Zelenski izləyicilərinə bu sualı verib: Hansı İlon Maskı daha çox bəyənirsiniz? Ukraynanı dəstəkləyən, yoxsa Rusiyanı?
Ukraynanı dəstəkləyənlər faiz etibarilə çoxluq təşkil edib.
Nigar Cəfərli,
Musavat.com
XƏBƏR LENTİ
15 Oktyabr 2024
14 Oktyabr 2024
ŞƏRHLƏRŞƏRH YAZ