Onlayn ictimai-siyasi qəzet
Kiyev səfərindən sonra Şoltsdan Putinə SƏRT MESAJ
Almaniya kansleri Olaf Şoltsun 2 dekabrda Kiyevə etdiyi səfər təkcə diplomatik münasibətlər baxımından deyil, həm də dünya ictimaiyyətinə göndərilən güclü siyasi mesajla yadda qalıb.
Musavat.com xəbər verir ki, səfərdən dərhal sonra kansler "X" sosial şəbəkəsi üzərindən Rusiya prezidenti Vladimir Putinə ünvanladığı bəyanatı ilə diqqət mərkəzinə düşüb.
"Kiyevdən Putinə mesajım: Biz burada uzun müddətik. Ukraynaya olan dəstəyimiz zəifləməyəcək. Ukrayna xalqını lazım olduğu qədər dəstəkləyəcəyik", - deyə Şolts yazıb.
Bu bəyanat Almaniyanın Ukraynaya davamlı dəstək nümayiş etdirməkdə qətiyyətli olduğunu və Rusiyaya qarşı mövqeyinin dəyişməyəcəyini vurğulayır. Onun sözləri yalnız Ukraynaya dəstək ifadəsi deyil, həm də Rusiyaya qarşı mübarizənin davamlılığını vurğulayan bir xəbərdarlıqdır. Almaniyanın bu mövqeyi Avropa İttifaqının və NATO-nun Rusiyaya qarşı birgə hərəkət strategiyasının gücləndirilməsi baxımından xüsusi əhəmiyyət daşıyır.
Qeyd edək ki, Kiyevə səfər zamanı Olaf Şolts Ukrayna prezidenti Volodimir Zelenski ilə bir sıra mühüm məsələləri müzakirə edib. Görüşdə hərbi, iqtisadi və humanitar dəstəyin artırılması yolları araşdırılıb. Səfər həmçinin Ukrayna xalqına Almaniyanın həmrəylik mesajını çatdırmaq məqsədi daşıyıb.
İqbal RZAYEV
Musavat.com
XƏBƏR LENTİ
04 Dekabr 2024
ŞƏRHLƏRŞƏRH YAZ