Onlayn ictimai-siyasi qəzet
Keşiş Baqrat yenə ortaya çıxdı: 44 günlük müharibədə ölən ermənilərə belə dua oxudu - VİDEO
Ermənistanın “Yerablur” hərbi panteonunda 44 günlük müharibəsinin başa çatmasının ildönümü qeyd edilib. Bu mərasimdə mərkəzi yeri məşhur keşiş Baqrat Qalstanyan alıb.
Musavat.com xəbər verir ki, Arxiyepiskop Baqrat tərəfdarları ilə birlikdə Azərbaycana qarşı döyüşdə ölən ermənilərə dua oxuyub.
Qeyd edək ki, Baqrat Qalstanyan 1971-ci ildə Gümrüdə anadan olub və Ermənistan Apostol Kilsəsinin din xadimidir. O, 2003-2013-cü illərdə Kanadadakı Ermənistan Yeparxiyasının rəhbəri olub, 2015-ci ildən isə Tavuş Yeparxiyasının başçısıdır.
2024-cü ilin may ayında Arxiyepiskop Qalstanyan Ermənistanın baş naziri Nikol Paşinyanın siyasətinə qarşı genişmiqyaslı etiraz aksiyalarına rəhbərlik edirdi.
Etirazlar zamanı Qalstanyan Paşinyanın istefasını tələb edərək, hökumətin milli maraqları qorumaqda aciz olduğunu vurğulayırdı. Bu aksiyalar Ermənistan cəmiyyətində geniş rezonans doğurdu və ölkənin siyasi gündəminə təsir etdi.
44 günlük müharibənin ildönümündə keçirilən anım mərasimi Ermənistan cəmiyyətində hələ də davam edən siyasi və sosial gərginliklərin fonunda baş tutub.
Musavat.com
XƏBƏR LENTİ
23 Noyabr 2024
ŞƏRHLƏRŞƏRH YAZ