Onlayn ictimai-siyasi qəzet
Kambocanın cənubunda Mekonq çayında motorlu qayıq qəzasında 8 yeniyetmə ölüb, 3 nəfər itkin düşüb.
AZƏRTAC Kamboca mediasına istinadla xəbər verir ki, hadisə Kandal vilayətində oktyabrın 13-də axşam saatlarında baş verib. Qəza zamanı qayıqda onu idarə edən operatordan başqa 12-14 yaşlarında 14 yeniyetmə olub. Qayıq məktəbliləri dərsdən sonra ada-kənddəki evlərinə apararkən sahildən 50 metr məsafədə aşıb.
Bütün gecə boyu davam edən axtarış işləri nəticəsində 8 nəfərin meyiti tapılıb, operator da daxil olmaqla 4 nəfər xilas edilib. Hazırda itkin düşənlərin axtarışları davam edir. İlkin ehtimala əsasən, qayığın aşmasına həddən çox yüklənmə və yüksək sürət səbəb olub.
15 Oktyabr 2024
14 Oktyabr 2024
ŞƏRHLƏRŞƏRH YAZ