Onlayn ictimai-siyasi qəzet
İtkin düşən Aysun GÖRÜN HARADA TAPILDI
Tovuzda itkin düşən məktəbli qız tapılıb.
Daxili İşlər Nazirliyinin (DİN) Mətbuat xidmətinin Gəncə regional qrupunun baş inspektoru Eşqin Qasımovun Musavat.com-a verdiyi məlumata görə, Tovuz Rayon Polis Şöbəsinin əməkdaşlarının keçirdikləri müvafiq tədbirlər nəticəsində Aysun Süleymanlı Gəncə şəhərində tapılıb.
13 yaşlı məktəblinin ailəsinə təhvil verilməsi gözlənilir.
Qeyd edək ki, A. Süleymanlı Alubəyli kənd sakinidir. O, Tovuz rayonu Yusif Sadıqov adına Bozalqanlı kənd məktəbinin 7-ci sinif şagirdidir. Məktəbli aprelin 2- si axşam 18 radələrində dərsdən çıxıb evə qayıtmamışdı.
Azyaşlının nənəsi mətbuata açıqlamasında bildirmişdi ki, yeniyetmənin çantasından ərəb əlifbası ilə yazılan qəribə qeydlər çıxıb:
“Son zamanlar hərəkətlərində qeyri-adilik var idi. Səhhəti ilə bağlı məktəbə də çağırmışdılar. Dedilər dəftərində qeyri-adi şeylər yazıb. Özünlə paltar, şirniyyat, su götür, saçını kəs. Biz hara desək, ora gəl, dağlıq əraziyə gəl”.
Şahanə Rəhimli
Musavat.com
ƏLAQƏLİ XƏBƏRLƏR
XƏBƏR LENTİ
05 Aprel 2025
04 Aprel 2025
ŞƏRHLƏRŞƏRH YAZ