Onlayn ictimai-siyasi qəzet
Məhsa Əmininin qətlə yetirilməsindən sonra İranı bürüyən etirazların ilk iştirakçısı olan 23 yaşlı Möhsün Şekarinin edam olunması ölkədə davam edən etirazlara yeni təkan verə bilər.
Musavat.com xəbər verir ki, bu barədə ABŞ-ın Müharibə Araşdırmaları İnstitutunun (ISW) hesabatında deyilir.
Analitiklərin fikrincə, rejim edamdan nümayişçiləri qorxutmaq məqsədilə istifadə edir.
Onlar vurğulayırlar ki, nə Şekari, nə də ailəsi onun edamı barədə əvvəlcədən məlumatlandırılmayıb. Rejim onun meyitini gizli dəfn etməklə, ailəsini bu imkandan məhrum edib.
"Rejim çox güman ki, Şekarinin edamından əvvəl etirazçıların toplaşmasının qarşısını almağa, onları gələcəkdə anım mərasimlərinin keçirilə biləcəyi və potensial olaraq nümayişlərə çevrilə biləcək dəfn yerindən məhrum etməyə çalışıb. Bununla belə, Şekarinin gizli dəfni etirazçılara onu istənilə yerdə yad etməyə imkan verir”, - hesabatda bildirilir.//report.az
12 Oktyabr 2024
ŞƏRHLƏRŞƏRH YAZ