Onlayn ictimai-siyasi qəzet
İsrail ordusu Qəzza zolağında sistemli hücumlarını davam etdirir: bir gecədə 130 hədəf məhv edildi
İsrail ordusu Qəzza zolağında hərbi əməliyyatlarını intensivləşdirərək sistemli şəkildə hava və quru qüvvələri ilə genişmiqyaslı zərbələr endirib.
Musavat.com xəbər verir ki, bu barədə İsrail Müdafiə Qüvvələrinin (Çaxal) mətbuat xidməti məlumat yayıb.
Son 24 saat ərzində İsrail Hərbi Hava Qüvvələri Qəzza zolağında təxminən 130 hədəfi koordinasiyalı şəkildə vurub. Hədəflər arasında əməliyyat bazaları, silah anbarları, istehkam mövqeləri və digər strateji obyektlər yer alıb. Bu əməliyyatlarda quru qoşunları ilə hava qüvvələri sıx əməkdaşlıq edib.
Çaxalın məlumatına görə, məqsəd Fələstin qrup və təşkilatlarının hərbi potensialını zəiflətmək və sivil əhaliyə qarşı təhdidləri minimuma endirməkdir. İsrail tərəfi bildirib ki, əməliyyatlar mülki şəxslərin təhlükəsizliyi üçün mümkün qədər diqqətlə həyata keçirilir, lakin düşmənin qəsdən sivil ərazilərdə yerləşməsi əməliyyatların mürəkkəbliyini artırır.
Son dövrdə Qəzzada gərginlik artmaqda davam edir və tərəflər arasında toqquşmalar tez-tez təkrarlanır. Beynəlxalq ictimaiyyət İsrail və Fələstin arasında sülhün bərqərar olması üçün çağırışlarını artırsa da, hər iki tərəf öz mövqeyində qalır.
Musavat.com
ƏLAQƏLİ XƏBƏRLƏR
XƏBƏR LENTİ
06 Iyul 2025
ŞƏRHLƏRŞƏRH YAZ