Onlayn ictimai-siyasi qəzet
İsrail Dəməşq ətrafını vurdu
İsrail Hərbi Hava Qüvvələrinə məxsus pilotsuz uçuş aparatı (PUA) Dəməşq yaxınlığındakı yerüstü hədəflərə hücum edib. Musavat.com xəbər verir ki, məlumatı "Sham TV" yayıb.
Telekanalın məlumatına görə, zərbələr şəhərin cənub-qərbindəki Masaken əl-Sabbura məhəlləsi yaxınlığındakı hərbi mövqelərə endirilib. Hücumun nəticələri ilə bağlı heç bir məlumat verilməyib.
Telekanal daha əvvəl bildirmişdi ki, İsrail pilotsuz təyyarələri Dəməşqin cənub ətrafı, həmçinin Dəra və Quneytra əyalətləri üzərində uçuşlar həyata keçirir.
Oktyabrın 12-də İsrail artilleriyası Suriya ordusunun Tel-Əhmər yüksəkliklərindəki komanda məntəqəsini atəşə tutub. Tələfat və maddi ziyan barədə məlumat verilmir. Şam TV-nin məlumatına görə, ilin əvvəlindən İsrail aviasiyası Suriya ərazisinə 80-dən çox reyd keçirərək, silah anbarları, qərargahlar və kazarmalar da daxil olmaqla 135 hərbi hədəfə zərbə endirib. Bu hücumlarda 29-u mülki şəxs olmaqla 61 nəfər həlak olub.
Ərəb Respublikasının Xarici İşlər Nazirliyi bundan əvvəl İsrailin təcavüzkar hərəkətlərini kəskin şəkildə pisləyib. Nazirliyin bəyanatında qeyd olunub ki, davam edən hava hücumları regionda sabitliyi pozan təhlükəli eskalasiya təşkil edir. Suriya BMT Təhlükəsizlik Şurasını “öz suverenliyini qorumaq üçün təsirli tədbirlər görməyə və İsraili xain hücumlarını dayandırmağa məcbur etməyə” çağırıb.
Musavat.com
XƏBƏR LENTİ
13 Oktyabr 2025
ŞƏRHLƏRŞƏRH YAZ