Onlayn ictimai-siyasi qəzet
İran parlamentində Netanyahunu məhv etmək çağırışı səslənib
İran parlamentin deputatı Məhəmməd Qasim Osmani Fələstinin HƏMAS hərəkatının rəhbəri İsmayıl Haniyənin Tehranda qətlə yetirilməsinə cavab olaraq İsrailin baş naziri Binyamin Netanyahunun aradan götürülməsinə çağırıb.
Musavat.com xarici mediaya istinadla xəbər verir ki, Osmani parlamentin iclası zamanı deyib: “Ümid edirəm ki, İsmayıl Haniyə üçün qan davası kimi daha bir “Dürüst vəd” əməliyyatı olacaq. ... Biz Netanyahunun ölümündən başqa heç nə ilə razılaşmırıq”.
Osmani vurğulayıb ki, İsrail o qədər həyasızlaşıb ki, artıq Tehranda qonağın qanını tökür. Siyasətçi əlavə edib ki, İran Haniyyənin ölümünün qisasını almaq üçün doğru anı seçəcək.
Avqustun 3-də “The Wall Street Journal” Tehrandan olan adı açıqlanmayan diplomata istinadla yazıb ki, İran İsmayıl Haniyənin qətlinə cavab olaraq İsrailə hücum etmək niyyətindədir. Qeyd olunub ki, müxtəlif ölkələrin Tehranı vəziyyəti gərginləşdirməməyə inandırmaq cəhdləri “səmərəli olmayıb və olmayacaq. “İsrail bütün qırmızı xətləri keçib, cavab tez və sərt olacaq”, - diplomat vurğulayıb.
Musavat.com
XƏBƏR LENTİ
24 Noyabr 2024
23 Noyabr 2024
ŞƏRHLƏRŞƏRH YAZ