İnsanlara hürriyət, millətlərə istiqlal!

İnam Kərimov Qırğızıstanda səfərdə olub  

 

Azərbaycan Respublikası Ali Məhkəməsinin sədri İnam Kərimov Bişkek şəhərində səfərdə olub. İnam Kərimov  2024-cü il 19-20 sentyabr tarixlərində Qırğız Respublikası Ali Məhkəməsinin 100 illik yubileyi münasibətilə keçirilən tədbirlərdə iştirak edib.

Musavat.com xəbər verir ki, səfər çərçivəsində İnam Kərimov Qırğızıstan Ali Məhkəməsinin sədri Zamirbek Bazarbekov ilə ikitərəfli görüş keçirib. Görüşdə məhkəmə sisteminin təkmilləşdirilməsi, məhkəmə hakimiyyətinin rolunun və nüfuzunun gücləndirilməsi, hakim korpusunun yetişdirilməsi və məhkəmələrin fəaliyyətində informasiya-kommunikasiya texnologiyalarının tətbiqi ilə bağlı fikir mübadiləsi aparılıb.

Növbəti gün Qırğızıstan Prezidenti Sadır Japarov tədbirlə əlaqədar Qırğız Respublikasında səfərdə olan müxtəlif ölkələrin nümayəndə heyətlərinin rəhbərlərini qəbul edib. Görüşdə qarşılıqlı əməkdaşlığın möhkəmləndirilməsi istiqamətində hüquqi, humanitar və elmi-təcrübə mübadiləsi sahəsində görülən işlər diqqətə çatdırılıb. Məhkəmə sistemində əməkdaşlıq üçün böyük potensialın mövcud olduğu qeyd edilib.

Sonra nümayəndə heyətləri Qırğız Respublikası Ali Məhkəməsinin 100 illik yubileyinə həsr olunmuş təntənəli tədbirdə iştirak ediblər.

 

E.Məmmədəliyev,
Musavat.com

ŞƏRHLƏRŞƏRH YAZ

Şərh yoxdur

ƏLAQƏLİ XƏBƏRLƏR

20.09.2024 695

Maaş, pensiya, müavinət və təqaüdlərlə bağlı hamını SEVİNDİRƏCƏK XƏBƏR
20.09.2024 420

"Yüksəliş" müsabiqəsinin qalibinə İqtisadiyyat Nazirliyində vəzifə verildi
20.09.2024 370

Bakının BU küçəsində avtomobillə hərəkət tam məhdudlaşdırılacaq

XƏBƏR LENTİ

20 Sentyabr 2024

BÜTÜN XƏBƏRLƏR