Onlayn ictimai-siyasi qəzet
Hraparak: Paşinyan və Samvel Babayan əməkdaşlığa başlayıb
Qarabağ erməniləri arasında Nikol Paşinyan və Samvel Babayanın əməkdaşlığının yenidən vüsət aldığı barədə şayiələr yayılır.
Musavat.com erməni mediasına istinadən xəbər verir ki, bu iddia yerli “Hraparak” qəzeti tərəfindən gəlib.
“Şayiələrə görə, Babayana müəyyən tikinti tenderləri kvotası ayrılıb.
Babayan Qarabağdan olan erməni iş adamlarına hansı tenderlərdə iştirak etmək və “onun dəstəyi ilə” tenderləri necə qazanmaq barədə məsləhətlər verir. O, bunu pul qazanmaq üçün deyil, daha çox mümkün qədər geniş insan kütləsini öz tərəfinə çəkmək üçün edir. Bu, Babayana yaxınlaşan seçkilər öncəsi böyük bir müxalifət seçici bazası qazandıracaq.
Məsələ ondadır ki, Babayan yaxınlaşan parlament seçkilərində iştirak etməyi planlaşdırır. Onun Ermənistan vətəndaşlığı var və beləliklə seçkilərə tamhüquqlu şəkildə qatıla bilir”, - deyə yazıda qeyd olunub.
Musavat.com
XƏBƏR LENTİ
04 Fevral 2025
ŞƏRHLƏRŞƏRH YAZ