Onlayn ictimai-siyasi qəzet
Hikmət Hacıyev: “Azərbaycan BMT-nin sülhməramlı missiyalarına töhfə verib”
Azərbaycan BMT Nizamnaməsinin də əsas götürdüyü beynəlxalq hüququn prinsiplərini dəstəkləyir. Azərbaycan BMT-nin sülhməramlı missiyalarına töhfə verib.
APA xəbər verir ki, bunu Şuşada Azərbaycan Respublikası Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev bildirib.
“Bu gün azərbaycanlı sülhməramlılar Sudan və digər nöqtələrdə öz töhfələrini verir”, - Hikmət Hacıyev bildirib.
O diqqətə çatdırıb ki, Azərbaycan BMT-nin humanitar fəaliyyətinə fəal dəstək verir, bir çox təşəbbüslərlə çıxış edir: “Azərbaycan və BMT əməkdaşlığının parlaq gələcəyi var. Bəzən BMT tənqid olunur. Amma unutmayaq ki, üzv ölkələr bu təşkilat qarşısında öz öhdəliklərinə əməl etməlidir. Bütün ölkələr BMT Nizamnaməsi ilə bağlı öhdəlikləri yerinə yetirməlidir”.
Prezidentin köməkçisi Ermənistanın 30 ilə yaxın müddətdə BMT qarşısındakı öhdəliklərinə əməl etmədiyini xatırladıb.
XƏBƏR LENTİ
10 Oktyabr 2024
09 Oktyabr 2024
ŞƏRHLƏRŞƏRH YAZ