Onlayn ictimai-siyasi qəzet
Həkimdən qızılca ilə bağlı MÜHÜM MƏSLƏHƏT
"Araşdırmalar göstərib ki, qızılca zamanı orqanizmdə A vitamini kəskin düşür. Hiporetinemiya, yəni qanda retinol səviyyəsinin azalması baş verir. Hətta yaxşı qidalanan, amma qızılca xəstəliyi keçirən uşaqda A vitamini kəskin enmiş olur, nəinki qızılca keçirməyən və pis qidalanan uşaqlarda".
Musavat.com xəbər verir ki, bu barədə tanınmış pediatr Aytən İsmayılzadə deyib.
Pediatr qeyd edib ki, qızılca xəstəliyinə yoluxmuş uşaqda vitamin A yetərli deyilsə və qızılca səbəbilə bu depo bir az da azalırsa, ağırlaşma riski artır:
"Çünki bildiyimiz kimi, A vitamini epitelial örtüklərin tamlığını qoruyur. Qızılcada isə bu örtüklər zədələnir. Dəridə gördüyünüz səpkilərdən hər yerdə olur, gözdə, daxili orqanlarda və s. Yəni virusun təsiri ilə baryerlər zədələnir, sətəlcəm inkişaf edir, beyin toxuması da prosesə qoşula bilir. Vitamin A da çatmazsa, bu hadisənin daha pis şəkildə baş vermə ehtimalı var.
Ümumdünya Səhiyyə Təşkilatı xüsusilə vitamin A azlığı yaşanan regionlarda onun yüksək dozada verilməsini təklif etdi. Qızılca zamanı vitamin A yüksək dozada birdəfəlik olaraq verilir, yəni bir gün, bircə dəfə, günlərlə verilmir. 6 aydan kiçik uşaqlara 500 00 BV, 6-12 ay 100 000 BV, bir yaşdan yuxarı 200 000 BV. Bununla belə, vitamin A yüksək dozada uzun muddət istifadə edilməməlidir. Onun da toksiki təsiri ola bilər".
Pediatr bildirib ki, vitamin A qızılcanı önləmək üçün deyil. Bunun üçün ancaq peyvənd lazımdır.
Xalidə Gəray
Musavat.com
ƏLAQƏLİ XƏBƏRLƏR
XƏBƏR LENTİ
22 Noyabr 2024
ŞƏRHLƏRŞƏRH YAZ