Onlayn ictimai-siyasi qəzet
Gürcüstana ən çox kim pul qoyub – maraqlı statistika
2023-cü ildə Gürcüstana birbaşa xarici investisiyaların həcmi 1,9 milyard dollar təşkil edib ki, bu da 2022-ci ilin müvafiq göstəricisindən 15,6% az və 2023-cü ilin ilkin məlumatlarından 19,3% çoxdur.
Musavat.com xarici agentliklərə istinadən xəbər verir ki, bu barədə Gürcüstanın Milli Statistika Xidməti məlumat yayıb.
“Birbaşa xarici investisiyalar komponentlər üzrə aşağıdakı kimi bölüşdürülüb: ümumi həcmin 1,21 milyard dollarını kapital, 83,7 milyon dollarını isə təkrar investisiyalar təşkil edib. Nizamnamə kapitalının həcmi əvvəlki ilin düzəliş edilmiş göstəricisindən 50,7% çoxdur”, - deyə Georgiastat xəbər verir.
İnvestor ölkələrinə gəlincə, ilk on investor ölkələrin siyahısı belədir: Hollandiya - 386,3 milyon dollar; Böyük Britaniya – 364,3 milyon dollar; ABŞ – 182,2 milyon dollar; Türkiyə – 109,5 milyon dollar; Rusiya – 103,3 milyon dollar; Çin – 98,4 milyon dollar; Malta – 97,4 milyon dollar; Azərbaycan – 90,3 milyon dollar; Yaponiya – 69,4 milyon dollar; İsveçrə – 41,9 milyon dollar.
İqtisadiyyat sahələrinin bölgüsünə görə, ən böyük investisiyalar maliyyə və sığorta sektorlarına qoyulub. İkinci yerdə ticarət sektoru, üçüncü yerdə isə istehsal sektoru qərarlaşıb.
Musavat.com
XƏBƏR LENTİ
21 Sentyabr 2024
ŞƏRHLƏRŞƏRH YAZ