Onlayn ictimai-siyasi qəzet
Bu partiya aralıq seçkilərdə qalib gəlib
Dünən Argentinada parlamentə keçirilən aralıq seçkilərində hakim "Azadlıq İrəliləyir" partiyası Senatda 12-14 yeni yer qazanmaq imkanı əldə edib.
Musavat.com xarici agentliklərə istinadən xəbər verir ki, mötədil müxalifətin dəstəyi nəzərə alınmaqla, bu, prezident Xavyer Miley-in gələcəkdə veto hüququnu qorumasını asanlaşdıracaq.
"Azadlıq İrəliləyir"in əlavə 13 senator yeri qazandığı görünür. İki əyalətdə minimal fərq olduğunu nəzərə alsaq, qanunvericilərin sayı 12-yə düşə və ya 14-ə qədər arta bilər.
Prezidentin vetosunu ləğv etmək üçün parlamentin hər iki palatasının üçdə ikisi tələb olunur. Senatda bunun üçün 48 səs lazımdır. Buna görə də, "Azadlıq İrəliləyir" prezidentin vetosunu qorumaq üçün mülayim müxalifətdən yalnız beş-yeddi senatorun dəstəyini almalıdır.
Argentina prezidenti dəfələrlə büdcə profisitini təhdid edən istənilən qanun layihəsini bloklayacağını bildirib. Sentyabr və oktyabr aylarında Konqres universitetlər, uşaq xəstəxanaları və əlillərə yardım üçün əlavə vəsait ayıran qanun layihəsi üzrə prezidentin vetolarını üç dəfə ləğv edə bilib. Yeni Konqresdə "Azadlıq İrəliləyir" hələ mütləq çoxluğa malik olmayacaq. Lakin müxalifət tərəfindən təsdiqlənmiş qanun layihələrinin bloklanması ehtimalı daha yüksəkdir.
Seçki zamanı Argentina Deputatlar Palatasında 257 yerdən 127-ni, Senatda 72 yerdən 24-nü yenilədi. Səslərin 97 faizi sayılandan sonra "Azadlıq İrəliləyir" Argentinanın paytaxtında və 23 əyalətdən 15-də liderlik edir.
Musavat.com
XƏBƏR LENTİ
27 Oktyabr 2025
ŞƏRHLƏRŞƏRH YAZ