Onlayn ictimai-siyasi qəzet
Gürcüstan şərab bazarını İtirir – İxrac payı 47% azalıb
2025-ci ilin birinci rübündə Gürcüstanın şərab ixracı təxminən 47% azalıb.
Musavat.com xarici mediaya istinadla xəbər verir ki, ən böyük azalma Rusiyaya tədarüklərdə olub, lakin Aİ ölkələrinə ixrac artıb.
2025-ci ilin yanvar-aprel aylarında Gürcüstan 23,9 milyon litr şərab ixrac edib. Bu, ötən ilin eyni dövrü ilə müqayisədə təxminən iki dəfə çoxdur. Bu məlumatı Gürcüstanın Milli Statistika Xidməti verib.
İxrac gəlirləri 43% azalaraq 126,6 milyon dollardan 71,9 milyon dollara düşüb. İndi şərab məhsullarının ümumi ixracda payı 3,6% təşkil edir, halbuki bir il əvvəl bu, iki dəfə çox, 7,2% idi.
Təchizatda ən böyük çöküş Rusiyada baş verib. Oraya 40,4 milyon dollar dəyərində 14,4 milyon litr şərab göndərilib. Rusiyanın payı il ərzində 78,6%-dən 56,2%-ə qədər azalmasına baxmayaraq, Rusiya gürcü şərabı üçün ən böyük satış bazarı olaraq qalır.
Eyni zamanda, Aİ ölkələrinə tədarüklər 19,9% artıb. Avropada satış həcmi 4 milyon litrə və ya 12,2 milyon dollara çatıb. Ən aktiv bazarlar Polşa, Almaniya və Latviya olub.
2025-ci ildə Gürcüstan şərabının ən böyük idxalçıları (yanvar-aprel) aşağıdakı ölkələr olub:
Rusiya - 40,4 milyon dollar (14,4 milyon litr)
Polşa - 6,1 milyon dollar (2,6 milyon litr)
Qazaxıstan - 3,7 milyon dollar (1,07 milyon litr)
Çin - 3,5 milyon dollar (1,12 milyon litr)
Ukrayna - 3,2 milyon dollar (1,3 milyon litr)
Musavat.com
ŞƏRHLƏRŞƏRH YAZ