Onlayn ictimai-siyasi qəzet
Fransa qeyri-leqal miqrantları Afrika ölkələrinə göndərəcək
Oktyabr ayı Fransada qeyri-qanuni miqrasiya ilə mübarizə üçün radikal tədbirlər görəcəyi bir ay olacaq. Ölkənin yeni daxili işlər naziri Bruno Retayo Fransanın Madaqaskar yaxınlığındakı xarici departamentinə - Mayotta adalar qrupuna Afrika ölkələrindən üzüb gələn qeyri-qanuni mühacirlərin çıxarılmasının sürətləndirilməsi barədə göstəriş verib.
Musavat.com xarici mediaya istinadla xəbər verir ki, Fransada sığınacaq axtaran şəxslər təyyarə ilə Konqo Demokratik Respublikasına aparılacaq. Parisdəki təcrübə uğurlu hesab edilərsə, o zaman bu, ölkənin Avropa hissəsinə qeyri-qanuni gələn hər kəsə şamil edilə bilər.
Qeyd olunur ki, Böyük Britaniya da qeyri-qanuni mühacirləri ilə oxşar bir şey etmək istəyib. Lakin Britaniya hökumətinin Ruandaya qeyri-qanuni mühacir göndərmək ideyası ciddi tənqidlərə səbəb olub və hələ də həyata keçirilməyib.
Daxili işlər naziri Retayo təkcə oktyabr ayında üç reyslə Mayottaya gələn qeyri-qanuni mühacirlərin köçürülməsini əmr etməyib, eləcə də bir sıra Afrika dövlətləri ilə, xüsusilə də Ruanda və Burundi ilə təmasa keçərək, Fransadakı şanssız mühacirlərin ora göndərilə biləcəyi barədə danışıqlar aparıb. Yəqin ki, vaxtaşırı Mayottaya üzən yüngül balıqçı qayıqlarında və ya motorlu qayıqlarda gələnlər həmin ölkələrə göndəriləcək. Fransa üçün daha böyük problem Aralıq dənizi vasitəsilə ölkənin kontinental hissəsinə gələn qeyri-qanuni immiqrantlardır.
Retayo problemi kökündən həll etmək niyyətindədir. Onun radikallığı hətta Fransa prezidenti Emmanuel Makronun tənqidinə səbəb olub. Dövlət başçısı Retayonun immiqrasiyanın “Fransa üçün olmadığını” söylədiyi bəyanatına münasibət bildirib. Makron Fransa hakimiyyətinin immiqrantlara qarşı olmadığını, bütün miqrasiya proseslərinin pis olmadığını və hətta qeyri-qanuni immiqrantlarla bağlı “hər şeyin konkret vəziyyətdən asılı olduğunu” xatırladıb.
Musavat.com
XƏBƏR LENTİ
25 Noyabr 2024
24 Noyabr 2024
ŞƏRHLƏRŞƏRH YAZ