Onlayn ictimai-siyasi qəzet
“Ermənistanla bağlı tam razılaşdırılmış siyasət həyata keçirilir” - Matevosyan
“Avropa Parlamentinin qətnaməsini və ümumiyyətlə, hazırda Ermənistan ətrafında baş verənləri şərh edərkən çox maraqlı tendensiya qeyd etmək olar. Hər şey nədənsə həddindən artıq intensivləşdi”.
Musavat.com erməni mediasına istinadən xəbər verir ki, bu fikir yerli politoloq Beniamin Matevosyan tərəfindən səslənib.
“Bütün bunların Rusiya Federasiyasının prezident seçkiləri ilə bağlı olduğuna inanmaq üçün əsaslı qorxular var. Biz görürük ki, bir tərəfdən Ukrayna qoşunları Rusiya ilə sərhəd bölgəsində öz hərəkətlərini gücləndirib. Aydındır ki, Rusiyaya qarşı hücumlar təkcə döyüş meydanında həyata keçirilməyəcək. Ardınca siyasi zərbələrə gələcək.
Diqqət çəkən məqam ondan ibarətdir ki, Ermənistanın iddia edilən Avropa İttifaqına üzvlüyü ilə bağlı bütün bu kampaniyanın başlanğıcı böyük ölçüdə Britaniya rəsmisi Ceyms Hippi tərəfindən verilib və o, AB-nin, daha doğrusu, Böyük Britaniyanın Ermənistanı Rusiya Federasiyasından müdafiə etməli olduğunu bəyan edib. Yəni biz tam razılaşdırılmış siyasət olduğunu görürük. Bundan başqa, bu yaxınlarda Ermənistanın nüfuzlu KİV-lərindən biri hətta Rusiya Federasiyasında prezident seçkiləri zamanı Ermənistanla Azərbaycan sərhədində toqquşmaların ola biləcəyi fikrini də səsləndirib. Bu da öz növbəsində Ermənistan hakimiyyətinin KTMT-dən çıxdığını rəsmən elan etməsinə səbəb olacaq”, - deyə Matevosyan qeyd edib.
Musavat.com
XƏBƏR LENTİ
23 Noyabr 2024
ŞƏRHLƏRŞƏRH YAZ