İnsanlara hürriyət, millətlərə istiqlal!

Ərdoğan Özgür Özəl və Əkrəm İmamoğlunu məhkəməyə verdi

Türkiyə prezidenti Rəcəb Tayyib Ərdoğan müxalif Cümhuriyyət Xalq Partiyasının (CHP) lideri Özgür Özəl və onu təmsil edən İstanbul bələdiyyə başqanı Əkrəm İmamoğlunu ünvanına təhqiramiz ifadələrə görə məhkəməyə verib.

Musavat.com A Haber telekanalına istinadən xəbər verir ki, Ərdoğanın vəkili Əhməd Özel prezidentin mənəvi təzminat olaraq hər birindən 1 milyon türk lirəsi (29 min dollar) tələb etdiyini deyib.

İddialara səbəb oktyabrın 31-də İstanbulda keçirilən mitinqdə müxalifət nümayəndələrinin Esenyurt yerli bələdiyyəsinin başçısı Ahmet Özerin terror fəaliyyətində ittiham edilərək həbs olunması ilə bağlı Ərdoğana qarşı açıqlamaları olub. O, CHP üzvüdür.

Esenyurt bələdiyyəsinin rəhbəri oktyabrın 30-da prokurorluğun sifarişi əsasında saxlanılıb. İddialara görə, hüquq-mühafizə orqanlarında onun Kürdüstan Fəhlə Partiyası (PKK, Türkiyədə qadağan olunan terror təşkilatı) rəhbərliyinin nümayəndələri ilə çoxsaylı telefon danışıqları barədə məlumatlar var. Həmin gün o, Cinayət Məcəlləsinin “Silahlı terror təşkilatı PKK-nın fəaliyyətində iştirak etmə” maddəsi ilə məhkəmə tərəfindən həbs edilərək vəzifəsindən uzaqlaşdırılıb.

Oktyabrın 31-də CHP-nin çağırışı ilə İstanbulun ən böyük bələdiyyəsinin başçısına dəstək aksiyası keçirilib.

 

Musavat.com

ŞƏRHLƏRŞƏRH YAZ

Şərh yoxdur

ƏLAQƏLİ XƏBƏRLƏR

02.11.2024 21

Rusiya Xarkovdakı polis binasını vurub, 40 nəfər yaralanıb
02.11.2024 51

“Yandex” rusiyalıların rekord həcmdə şəxsi məlumatlarını dövlətə ötürüb
02.11.2024 87

ABŞ-dan Ukraynaya yeni hərbi yardım paketi: Nələr var?

XƏBƏR LENTİ

02 Noyabr 2024

01 Noyabr 2024

BÜTÜN XƏBƏRLƏR