Onlayn ictimai-siyasi qəzet
Ən zənginlərin bir faizi 42 trilyon dollarlıq sərvətin üçdə ikisinə sahibdir - HESABAT
Dünyanın ən zəngin insanlarının 1 faizi 2020-ci ildən bəri ortaya çıxan 42 trilyon dollarlıq yeni qlobal sərvətin təxminən üçdə ikisinə sahibdir.
AzVision.az xəbər verir ki, bu barədə Böyük Britaniyanın beynəlxalq humanitar təşkilatı "Oxfam"ın "Ən zənginlərin sağ qalması" hesabatında dərc olunub. Belə ki, ən zənginlərin payı dünya əhalisinin ən aşağı təbəqəsindəki 99 faizin ümumi payından təxminən iki dəfə çoxdur.
Hesabata görə, milyarderlərin sərvəti gündə 2,7 milyard dollar artıb. Ən yaxşı gəlir əldə edənlər 2021-ci ilin sonuna qədər şəxsi sərvətlərinə 26 trilyon dollar əlavə ediblər.
Oxfam bildirib ki, dünyada multimilyonerlər və milyarderlər üçün nəzərdə tutulan 5 faizlik vergi ildə 1,7 trilyon dollar toplanıla bilər ki, bu da 2 milyard insanı yoxsulluqdan qurtarmağa kifayət edir.
"Oxfam İnternational"in idarəedici direktoru Qabriela Buçer bildirib ki, adi insanlar qida kimi əsas ehtiyaclar üçün gündəlik fədakarlıqlar etsə də, super varlılar ən çılğın arzularını belə həyata keçiriblər. O b öhrandan çıxış kmi super zəngin və böyük korporasiyaların vergiyə cəlb edilməsini təklif edib. Buçerin sözlərinə görə, əldə olunan məbləğ bugünkü böhranların çıxış qapısıdır.
"Super varlılar üçün 40 illik vergi endirimləri göstərdi ki, yüksələn dalğa bütün gəmiləri deyil, yalnız super yaxtaları qaldırıb".
XƏBƏR LENTİ
01 Oktyabr 2024
ŞƏRHLƏRŞƏRH YAZ