Onlayn ictimai-siyasi qəzet
Əgər hər dəfə çölə çıxanda başınız ağrıyırsa, səbəbi bu ola bilər
Əgər son vaxtlar bayıra çıxdığınız anda baş ağrılarınız artırsa, bunun səbəbi yalnız stress və ya yorğunluqla bağlı olmaya bilər.
Gün ərzində açıq havaya çıxarkən yaşanan ani baş ağrılarının səbəbi düşündüyünüzdən fərqli ola bilər. Mütəxəssislər havanın çirklənməsi, ani temperatur dəyişiklikləri və mövsümi keçidlərin baş ağrılarına təsir etdiyini bildirirlər. Sadə görünən bu əlamətlər əslində ətraf mühitə qarşı orqanizmin verdiyi ciddi xəbərdarlıq siqnalı ola bilər.
Havanın çirklənməsi baş ağrısına birbaşa təsir edir
İşlənmiş qazlar, fabrik tüstüləri və digər çirkləndiricilər, xüsusilə böyük şəhərlərdə havadakı hissəciklərin sıxlığını artırır. Tənəffüs yolu ilə bədənə daxil olan bu zərərli maddələr beyində damarların genişlənməsinə və ya daralmasına səbəb olaraq baş ağrılarını tətikləyə bilər. Araşdırmalar göstərir ki, havanın çirklənməsi miqren tutmalarını və xroniki baş ağrılarını əhəmiyyətli dərəcədə artırır.
Mövsüm keçidlərinə diqqət edin
Yaz və payız aylarında baş verən temperatur dəyişiklikləri də bədənin uyğunlaşma mexanizmini çətinləşdirə bilər. Ani təzyiq və istilik dəyişiklikləri xüsusilə miqren xəstələrində çöldə baş ağrılarının artmasına səbəb olur. Rütubət və polen səviyyəsindəki dalğalanmalar da eyni təsiri göstərə bilər.
Mütəxəssislər tövsiyə edir ki, havanın keyfiyyətinin aşağı olduğu saatlarda açıq havada çox qalmaqdan çəkinin. Çöldə olarkən maska taxmaq çirkli hava hissəciklərindən qorunmağa kömək edə bilər. Bol su içmək və balanslı qidalanmaq isə orqanizmin hava dəyişikliklərinə daha yaxşı uyğunlaşmasını təmin edir. Əgər baş ağrılarınız davamlı xarakter alıbsa, mütləq bir mütəxəssisə müraciət edib ətraflı müayinə olun.//E-saglam.az
XƏBƏR LENTİ
28 Aprel 2025
27 Aprel 2025
ŞƏRHLƏRŞƏRH YAZ