Onlayn ictimai-siyasi qəzet
DTK-nın Xeops ehramındakı əməliyyatı - tapılan qurğular BMT-nin tələbindən sonra gizlədilib
IX əsrdə alim və Bağdad xəlifəsi Əl-Məmun firon Xeopsun xəzinələrini və qədim Misirin müdrikliyinin sirlərini tapmağa ümid edərək Xeops ehramının dərinliklərinə nüfuz etmək istəyib. Bunun üçün o, ehramın gövdəsini dağıdıb, ancaq orada boş bir sarkofaq və qalın toz qatından başqa praktiki olaraq heç nə tapmayıb.
Dünyanın yeddi möcüzəsindən yalnız Xeops ehramı bu günə qədər tam formada gəlib çatıb. Onun yaşı 4500 il olaraq qiymətləndirilib. Üç minillikdən çox müddət ərzində ehram İngiltərənin şərqindəki Linkoln şəhərində Linkoln kilsəsi tikilənə qədər (təxminən 1311) Yer kürəsinin ən hündür binası (təxminən 139 m) statusunu saxlayıb.
Ehramın nə məqsədlə tikilməsi ilə bağlı bir çox nəzəriyyələr irəli sürülüb. Lakin ən çox qəbul edilən fikir onun 4-cü sülalədən olan firon Xeops üçün məzar kimi tikilməsidir. O, hər birinin çəkisi 2 tondan çox olan təxminən 2 milyon daş blokundan ibarətdir. Buna görə də onun dəqiq necə qurulduğu sualı hələ də insanları çaşdırır.
Tədqiqatçılar eramızdan əvvəl 2600-cü ildə yaradılmış kəpənək qolbağının tərkibində gümüş olduğunu müşahidə ediblər. Qeyd edək ki, o dövrdə Misirdə bu metalın mənbələri olmayıb. Alimlər qrupu gümüşün tərkibini daha yaxından öyrənmək qərarına gəlib və belə qənaətə gəliblər ki, o, Egey dənizindəki yunan adalarında, xüsusən də Lavrion şəhərində çıxarılıb, sonra isə Misirə daşınıb.
İnanılmaz nəzəriyyələr arasında qabaqcıl və sonradan itirilmiş Misir texnologiyaları, eləcə də yadplanetlilərin köməyi ilə bağlı ehtimallar mediada dərc edilib. Son illərdə tədqiqatçılar sirlərlə dolu bu quruluş haqqında daha çox məlumat əldə etməyə imkan verən bir çox kəşflər etməyə nail olublar.
DTK-nın ehram marağı
SSRİ də Xeopsu tədqiq etmək üçün can atıb. 1961-ci ildə sovet elmi ekspedisiyası gizli şəkildə, rəsmi olaraq, iqlimi öyrənmək, qeyri-rəsmi olaraq, yalnız ən etibarlılara həvalə edilmiş bir vəzifə ilə Misirə gedib. Onların arasında mühəndislər, geofiziklər, kriptoqraflar və hərbi qulluqçular da olub. “Turist”lərin məqsədi zahirən sadəcə ehramların hissələri kimi görünən, lakin DTK arxivlərində “anomal zonalar” kimi qeyd olunan obyektləri öyrənmək olub.
Anonim qalmaq istəyən keçmiş diplomatik kuryerlərdən biri illər sonra Rusiya mətbuatına bildirib ki, zəif elektromaqnit şüaları yayan mumiyalanmış cəsəddən bəhs edən sənədləri şəxsən özü daşıyıb. Sənədlərin içərisində bu günə qədər deşifrə edilməmiş heroqlif nümunələri də olub. Bir qrup tədqiqatçı Xeops pehramının altında qapalı otaq aşkar ediblər. İçəridə radiokarbon analizinə görə yaşı 12.000 ildən çox olan metal konstruksiyalar olub. Metal üzərində emal izləri çox dəqiq olub, sanki lazerlə kəsilib.
Enerji kristallarına bənzəyən qurğular tapılıb və onlardan biri laboratoriya şəraitində uğurla aktivləşdirilib. Otaq temperaturunda, enerji mənbəyinə qoşulmadan 1,2 kVt gərginlik istehsal edib. Elm adamları bunun yüksək texnologiyalı saxlama forması, yoxsa bəşəriyyətin hələ icad etmədiyi sistemin elementi olduğunu təxmin etməkdə çətinlik çəkiblər.
Ən maraqlısı isə divarlardan birində tapılan yazıdır. Tərcümə isə belədir: “Şimal küləyi qayıdanda məbəd oyanacaq”. DTK mütəxəssisləri bunun şimaldan, ehtimal ki, slavyanların əcdadlarından olan bəzi qədim sivilizasiyalar haqqında olduğunu irəli sürüblər. Bəzi mumiyaların genetik tədqiqatları Şərqi Avropa sakinləri üçün xarakterik olan “R1a” haploqrupunun mövcudluğunu təsdiqləyib.
1968-ci ildə BMT Təhlükəsizlik Şurası bütün materialların məxfiləşdirilməsini tələb edib. Məlumatların açıqlanmasına qadağa qoyulan “Sükut protokolu” proqramı yaradılıb. Arxivlər Moskva yaxınlığındakı anbarlarda saxlanılıb və yalnız bir neçə nəfərin onlara baxmaq imkanı olub.
Lakin 2025-ci ildə bəzi fayllar müstəqil tədqiqatçıların əlinə keçib. Onlar tapılan cihazların çertyojlarını, hesabat fraqmentlərini və artefaktların fotoşəkillərini dərc ediblər. Ən heyrətamizi odur ki, enerji kristalı cizgilərə uyğun olaraq yenidən yaradılıb və həqiqətən işləyib. Yarım əsrdə ilk dəfə olaraq texnologiyaların yerdənkənar və ya unudulmuş mənşəyi haqqında fərziyyə real təsdiqini tapıb.
İlkin Nəcəf, xüsusi olaraq Musavat.com üçün
ƏLAQƏLİ XƏBƏRLƏR
XƏBƏR LENTİ
15 Sentyabr 2025
ŞƏRHLƏRŞƏRH YAZ