Onlayn ictimai-siyasi qəzet
Çeçenistanda jurnalist Milaşinanı və vəkil Nemovu vəhşicəsinə döyüblər
Çeçenistanda naməlum şəxslər “Novaya qazeta”da işləmiş jurnalist Yelena Milaşinanı və Zarema Musayevanın vəkili Aleksandr Nemovu döyüblər.
Musavat.com xəbər verir ki, bu barədə Baza Telegram kanalında məlumat yayılıb.
Nemov və Milaşina muxtar respublikanın Ali Məhkəməsinin keçmiş hakimi Saydi Yanqulbayevin həyat yoldaşı Zarema Musayevaya hökm oxunması üçün Çeçenistana gəliblər. Nemov deyib ki, onun və Milaşinanın olduğu avtomobilin qarşısını Qroznı hava limanında üç avtomobil kəsib. Avtomobillərdən çıxan silahlı şəxslər vəkili və jurnalisti təpikləyib, başlarına silah dayayıblar.
Hadisədən sonra vəkil və jurnalist Qroznıdakı xəstəxanaya aparılıb. Həkimlər onlara çoxsaylı qançır diaqnozu qoyublar. Milaşinanın barmaqları sındığı, Nemovun isə ayağından bıçaqlandığı bildirilir.
Telegram kanalında verilən məlumata görə, naməlum şəxslər jurnalistə və vəkilə hücum zamanı deyiblər: “Sizə xəbərdarlıq edildi. Gedin burdan, heç nə yazmayın”.
Xəbər verilir ki, aldığı xəsarətlərə və yaşadığı stressə görə, Milaşina vaxtaşırı huşunu itirir. Onun başı tamamilə qırxılıb. Nemov isə çətinliklə danışır və hərəkət edir.
Milaşina təhdidlərə görə 2022-ci ildə Rusiyanı tərk edib. O bildirdi ki, “Novaya qazeta”nın baş redaktoru Dmitri Muratov, eləcə də onu tanıyan “daha yüksək vəzifəli mənbələr” onun getməsində israrlıdırlar.
Bundan əvvəl Aleksandr Nemov bildirmişdi ki, prokuror Çeçenistanın keçmiş hakimi Zarema Musayevanın həyat yoldaşına 5,5 il həbs cəzası istəyib. O, təhlükəsizlik əməkdaşına hücum etməkdə ittiham olunur.
Musayeva 2022-ci ilin sonunda Nijni Novqoroddakı evindən çıxarılaraq Çeçenistana aparılıb. Onun qohumları bunu adam oğurluğu adlandırıblar, ancaq Ramzan Kadırov bu ittihamları rədd edib, deyib ki, jurnalist Qroznıda təhlükəsizlik işçisinə hücum edib ki, sonra məqalə yazdırsın.
Musavat.com
XƏBƏR LENTİ
06 Oktyabr 2024
05 Oktyabr 2024
ŞƏRHLƏRŞƏRH YAZ