Onlayn ictimai-siyasi qəzet
Bu ölkədən Ukraynaya BÖYÜK DƏSTƏK
Böyük Britaniya hökuməti hava hücumundan müdafiə sahəsində Ukraynaya yeni hərbi yardımın ötürüldüyünü açıqlayıb.
Musavat.com CNN-ə istinadə xəbər verir ki, bu barədə Birləşmiş Ekspedisiya Qüvvələrinin müdafiə nazirlərinin görüşündə bildirilib.
Britaniya Ukrayna üçün beynəlxalq fond vasitəsilə yaxın aylarda 92 milyon funt-sterlinq (115 milyon ABŞ dollarından çox) dəyərində silahların alınacağına aydınlıq gətirib.
Britaniya rəsmiləri qeyd edir ki, Ukraynanın alacağı silahlar cəbhə xəttində mühüm milli infrastrukturu, mülki insanları və şəxsi heyəti qorumaq imkanlarını artıracaq.
Qeyd edək ki, Birləşmiş Ekspedisiya Qüvvələrinə Böyük Britaniya, İslandiya, Norveç, İsveç, Danimarka, Finlandiya, Niderland, Litva, Latviya, Estoniya daxildir.
Musavat.com
XƏBƏR LENTİ
06 Oktyabr 2024
ŞƏRHLƏRŞƏRH YAZ