Onlayn ictimai-siyasi qəzet
BRİKS sammitinə qarşı PUA təhlükəsi: Kazan aeroportunda xüsusi plan işləndi
Bu gün Kazan Beynəlxalq Hava Limanında "Kover" planı tətbiq edilib və bununla bağlı həm gələn, həm də gedən bir neçə uçuş təxirə salınıb.
Musavat.com xəbər verir ki, ilkin məlumatlara görə, plan pilotsuz uçuş aparatı (PUA) ilə bağlı mümkün hücum təhlükəsi səbəbindən aktivləşdirilib.
Ancaq hələlik hava limanı nümayəndələri və ya hakimiyyət orqanları bununla bağlı hər hansı bir rəsmi şərh verməyib. Hadisənin şahidləri bildirir ki, gözləmə zonasındakı sərnişinlər uçuşların gecikməsi barədə məlumatlandırılıb, lakin planın tətbiq edilməsinin səbəbləri barədə konkret məlumat verilməyib.
"Kover" planı hava məkanının təhlükəsizliyinə qarşı təhdid olduğu hallarda, məsələn, hava limanının yaxınlığında şübhəli obyektlərin aşkarlanması və ya PUA-nın istifadəsi təhlükəsi zamanı tətbiq olunan xüsusi rejimdir. Belə hallarda bütün uçuşlar müvəqqəti olaraq dayandırılır və hava limanının təhlükəsizlik xidmətləri əlavə yoxlamalar və vəziyyətin monitorinqini həyata keçirir.
Xatırladaq ki, oktyabrın 22-24-də Kazanda 33 dövlət başçısının iştirakı ilə BRİKS sammiti keçiriləcək. İştirakçılardan 24-ü birinci şəxs səviyyəsindədir və Kazanda keçirilək BRİKS sammiti ABŞ və Qərb hegemonluğuna meydan oxuyacaq. BRİKS liderlərinin Kazanda keçiriləcək görüşü təşkilatın yarandığı gündən "ictimaiyyətin iqtisadi və coğrafi sərhədlərinin genişlənməsini" nümayiş etdirəcək, bu isə ABŞ üçün problem olacaq və BRİKS-in Qrupla rəqabət qabiliyyətini nümayiş etdirəcək.
Nəsimi,
Xüsusi olaraq Musavat.com üçün
XƏBƏR LENTİ
18 Yanvar 2025
17 Yanvar 2025
ŞƏRHLƏRŞƏRH YAZ