Onlayn ictimai-siyasi qəzet
Boğulan qızları xilas etmək istəyən Ramin idmançı imiş -TƏFƏRRÜAT
Lənkəranın Sütəmurdov kəndi ərazisində yaşanan faciənin təfərrüatı məlum olub.
Belə ki, dənizdən meyitləri tapılanlar 2001-ci il təvəllüdlü Ramin Tahir oğlu Məmmədzadə və 2008-ci il təvəllüdlü Aysu Rafiq qızı Qəhrəmanzadə olub.
“Report”un cənub bürosunun məlumatına görə, 2003-cü il təvəllüdlü Zeynəb Ramin qızı Əliyeva isə FHN-in xilasediciləri tərəfindən sudan çıxarılaraq Lənkəran Rayon Mərkəzi Xəstəxanasına yerləşdirilib.
Qeyd edək ki, Zeynəb və Aysu xalaqızı olublar. İdmançı olan Ramin özünü çatdırıb və onlardan birini xilas edə bilib. Lakin ikinci cəhdi uğursuz olub və Aysunu xilas edərkən hər ikisi boğulub.
Meyitlər dənizdən Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış xilasediciləri tərəfindən çıxarılıb.
özünü qızlara çatdırıb və Zeynəbi xilas edə bilib.
Xatırladaq ki, dünən eyni ərazidə beş nəfər boğulma təhlükəsi ilə üzləşib. Onlardan üçü xilas edilib, biri dünyasını dəyişib, digərinin isə axtarışları davam etdirilir.
Faktla bağlı rayon prokurorluğunda araşdırma aparılır.
XƏBƏR LENTİ
28 Noyabr 2024
27 Noyabr 2024
ŞƏRHLƏRŞƏRH YAZ