Onlayn ictimai-siyasi qəzet
BMT-nin Ukrayna ilə bağlı qətnamə layihəsi: ABŞ israr edir, Rusiya isə mətnə düzəliş etmək istəyir
BMT Rusiya-Ukrayna müharibəsinin üçüncü ildönümü ilə bağlı yeni qətnamə layihəsi hazırlayıb.
Musavat.com xəbər verir ki, ABŞ-ın təkid etdiyi bu sənəddə münaqişənin dayandırılması və uzunmüddətli sülhə çağırış edilir.
PBS jurnalisti Nik Şifrinin paylaşdığı qətnamədə bu ifadələr yer alır:
• “Rusiya-Ukrayna münaqişəsi zamanı insanların faciəvi şəkildə həlak olmasına görə dərin kədər hissi keçiririk.”
• “Birləşmiş Millətlər Təşkilatının əsas məqsədinin beynəlxalq sülh və təhlükəsizliyi qorumaq, münaqişələri sülh yolu ilə həll etmək olduğunu bir daha təsdiqləyirik.”
• “Münaqişənin tezliklə dayandırılmasına çağırır və Rusiya ilə Ukrayna arasında davamlı sülhün təmin edilməsini israrla tövsiyə edirik.”
Rusiya isə sənəddə düzəliş etmək istəyir. Moskva, “münaqişənin tezliklə dayandırılmasına çağırırıq” ifadəsinə “münaqişənin əsas səbəblərinin aradan qaldırılması yolu ilə” sözlərinin əlavə edilməsini təklif edib.
Qətnamə layihəsində nə “Rusiya tərəfindən başlanmış müharibə”, nə də “aqressor” ifadələri var. Sadəcə “münaqişə” sözü ilə kifayətlənilib. Digər tərəfdən, ABŞ Ukraynaya təzyiq edərək, Rusiyanın aqressor kimi göstərildiyi və qoşunlarını Ukraynadan çıxarmağa çağırılan alternativ qətnamə layihəsindən imtina etməsini istəyir.
BMT-də müzakirələr davam edir, lakin əsas sual budur: bu sənəd müharibəni dayandırmaq üçün bir addım olacaqmı, yoxsa diplomatik balanslaşdırılmış bir bəyanat kimi qalacaq?
Musavat.com
ƏLAQƏLİ XƏBƏRLƏR
XƏBƏR LENTİ
23 Fevral 2025
ŞƏRHLƏRŞƏRH YAZ