Onlayn ictimai-siyasi qəzet
Birləşmiş Ərəb Əmirlikləri süni intellektə qanun layihəsi hazırladır
Birləşmiş Ərəb Əmirlikləri (BƏƏ) dünyada ilk dəfə olaraq süni intellektdən (Sİ) yeni qanunların hazırlanmasında, mövcud qanunların təhlili və onlara düzəlişlərin verilməsində istifadə etməyi planlaşdırır.
Musavat.com xarici agentliklərə istinadən xəbər verir ki, bu barədə The Financial Times məlumat yayıb.
Qəzet bu təşəbbüsü “süni intellektə milyardlarla dollar yatırmış ölkənin texnologiyadan radikal istifadə cəhdi” adlandırıb.
Qəzet BƏƏ-nin baş naziri Məhəmməd bin Rəşid Əl-Məktumun sözlərindən sitat gətirib:
“Süni intellekt əsasında işləyəcək yeni qanunvericilik sistemi qanunların necə yaradıldığını dəyişəcək, bu prosesi daha sürətli və dəqiq edəcək".
Hökumət gözləyir ki, qanunvericilik prosesində süni intellektin tətbiqi bu sahədə işi 70% sürətləndirəcək.
Kopenhagen Biznes Məktəbinin professoru Roni Medalya bu planı “çox cəsarətli” adlandırıb və qeyd edib ki, BƏƏ-nin məqsədi süni intellekti bir növ həmyaradıcı qanunverici statusuna gətirmək ola bilər.
Lakin tədqiqatçılar xəbərdarlıq edirlər ki, bu yolda ciddi problemlər və təhlükələr də yarana bilər. Bunlar arasında:
• Süni intellektin hüquqi istifadəçilər – vətəndaşlar, vəkillər və hakimlər üçün çətin anlaşılan olması,
• Texnologiyanın qanunları insanlar kimi şərh edib-etməyəcəyi sualı,
• Və Sİ-nin etibarlılığı və sabitliyi ilə bağlı davam edən problemlər yer alır.
Oksford Universitetinin tədqiqatçısı Vinsent Ştraubun fikrincə “Süni intellekt modelləri təsirli görünsə də, onlar hələ də səhvlərə yol verir və sabitlik baxımından problemlərlə üzləşirlər.”
Bununla belə, Ştraub BƏƏ-nin planlarını xüsusilə innovativ hesab edir, çünki bu yanaşma:
• Qanunvericiliyin inkişafını qabaqcadan proqnozlaşdırmaq,
• Hüquqi məsləhətlərə görə hüquq firmalarına ödənilən xərclərə qənaət etmək potensialına sahibdir.
Ştraubun fikrincə, BƏƏ artıq süni intellekti yalnız yardımçı vasitə və ya sənədləşdirmə və təsnifat aləti kimi deyil, təkliflər verə bilən və gələcək qanun ehtiyaclarını qabaqlaya biləcək bir “tərəfdaş” kimi nəzərdən keçirməyə başlayıb.
Musavat.com
XƏBƏR LENTİ
21 Aprel 2025
ŞƏRHLƏRŞƏRH YAZ