Onlayn ictimai-siyasi qəzet
Tramp Rusiyaya qarşı yeni sanksiyaların tətbiqini gecikdirir
ABŞ prezidenti Donald Trampın bu yaxınlarda NATO müttəfiqlərinə Rusiya neftinin idxalını dayandırmağa çağırışı onun Qərbin Rusiyaya qarşı yeni sanksiyalarını təxirə salmaq taktikası ola bilər.
Musavat.com xəbər verir ki, bu ehtimalı The Washington Post (WP) qəzeti irəli sürüb:
“Tənqidçilər bildiriblər ki, bu şərhlər Trampın Rusiya prezidenti Vladimir Putinə Ukraynadakı müharibəni dayandırmaq üçün təzyiq göstərmək səylərini daha da gecikdirə bilər”.
Qeyd edilir ki, Trampın sosial mediada elan etdiyi təklifi çətin ki, 32 dövlətdən ibarət alyansın bir neçə üzvü tərəfindən dəstək qazansın, çünki NATO-ya Rusiyadan enerji almaqda davam edən ən azı bir neçə dövlət daxildir:
"Türkiyə Rusiyanın əsas neft alıcılarından biridir və müharibəyə rəğmən Kremllə əlaqələri davam etdirməyə can atır. Trampın müttəfiqləri arasında Rusiya neftinin daha iki alıcısı olan Macarıstan və Slovakiya öz iqtisadiyyatlarını digər enerji tədarükçülərinin axtarışı ilə bağlı fasilələrdən qorumağa çalışırlar. Ancaq həm Vaşinqtonda, həm də Avropada bəzi anti-Rusiya şahinləri bildiriblər ki, Trampın son tələbi Rusiyaya qarşı hərəkətə keçməmək üçün taktiki addım kimi görünür, baxmayaraq ki, onlar Avropanın Rusiyadan enerji almağı həmişəlik dayandırması ilə bağlı razılığa gəliblər”.
Xatırladaq ki, dünən Tramp Şimali Atlantika alyansının bütün üzvlərinin birgə hərəkət edərək Rusiya neftinin alınmasını dayandıracağı təqdirdə Rusiyaya qarşı sərt sanksiyalar tətbiq etməyə hazır olduğunu bildirib. O qeyd edib ki, bəzi NATO müttəfiqlərinin Rusiyadan enerji resurslarının idxalını davam etdirməsi “alyansın danışıqlarda mövqelərini zəiflədir”. Bundan əlavə, Ağ Evin sahibi NATO ölkələrini Çinə qarşı 50-100 faiz həcmində idxal rüsumları tətbiq etməyə çağırıb. Onun sözlərinə görə, bu, Ukrayna böhranına son qoymağa kömək edəcək, lakin bu cür tariflər münaqişə sülh yolu ilə həll edildikdən sonra ləğv oluna bilər.
Musavat.com
XƏBƏR LENTİ
14 Sentyabr 2025
ŞƏRHLƏRŞƏRH YAZ