Onlayn ictimai-siyasi qəzet
Beş ölkədən Azərbaycana istehlaka yararsız ət idxal edən şirkətlərin adları açıqlandı
Azərbaycan Ukrayna, Rusiya, Belarus, Monqolustan və Braziliyadan ümumi həcmi 171 tondan çox olan bir neçə partiya dondurulmuş ət və ət məhsullarının idxalına qadağa qoyub.
Musavat.com xəbər verir ki, məlumat Azərbaycan Qida Təhlükəsizliyi Agentliyi (AQTA) tərəfindən açıqlanıb.
Bildirilir ki, qadağaya səbəb məhsulların keyfiyyətinin təhlükəsizlik tələblərinə cavab verməməsidir.
Agentliyin məlumatına görə, Ukraynadan 136,58 ton məhsulun, o cümlədən 116,18 ton dondurulmuş mal əti və 20,4 ton toyuq ətinin, Rusiyadan 22,08 ton dondurulmuş sümüksüz donuz ətinin, Monqolustandan 8,2 ton dondurulmuş qoyun ətinin, Belarusdan 0,55 ton dondurulmuş mal ətinin, 0,264 ton hisə verilmiş balıq filesinin, Braziliyadan 5,06 ton dondurulmuş mal ətinin idxalı qadağan edilib. Onların böyük əksəriyyətinin idxalına insan istehlakı üçün yararsız olduğu, parazitar sirayətlənmə, həmçinin müxtəlif infeksiya daşıyıcısı qurdlar tapılması səbəbindən qadağa qoyulub.
İdxalçılar Qafqaz Konserv Zavodu MMC, Halal-Food MMC, "Gourment" MMC, ”Azer Land” MMC, "Hereti Bottling Company" MMC, "M & T" LTD firması, "Universal-SVS" MMC, "Eleven Group" MMC, "HRT Group" MMC, “Food Fish” MMC-dir.
AQTA bildirir ki, “qadağan olunmuş partiyaların idxalı dayandırılacaq, məhsullar qanunvericiliyə uyğun olaraq məhv ediləcək və ya utilizasiya ediləcək”.
Musavat.com
XƏBƏR LENTİ
03 Aprel 2025
ŞƏRHLƏRŞƏRH YAZ