Onlayn ictimai-siyasi qəzet
Baş Prokurorluq mülki şəxslərin minaya düşməsi haqda məlumat yaydı
Azərbaycan Baş Prokurorluğu Ağdam və Füzulidə mülki şəxslərin minaya düşməsi barədə məlumat yayıb.
Baş Prokurorluqdan Musavat.com-a verilən məlumata görə, Ağdam rayonu ərazisində təmir-tikinti işləri aparılarkən 2 nəfər şəxsin minaya düşməsi barədə rayon prokurorluğuna ilkin məlumat daxil olub.
Araşdırma zamanı daha bir şəxsin - 1983-cü il təvəllüdlü Səxavət Abduxalıqovun da xəsarət alması müəyyən edilib.
Daha sonra Füzuli rayonunun işğaldan azad edilmiş ərazisində təmir-tikinti işləri aparılarkən traktorun partlamamış silah-sursata dəyərək partlaması nəticəsində traktora maddi ziyan dəyməsi, lakin hər hansı bir şəxsin xəsarət almaması müəyyən edilib.
Hazırda hər iki faktla bağlı araşdırmalar davam etdirilir.
XƏBƏR LENTİ
04 Oktyabr 2024
ŞƏRHLƏRŞƏRH YAZ