Onlayn ictimai-siyasi qəzet
"Barselona" tarixində 100-cü kubokunu qazandı
İspaniyanın "Barselona" klubu tarixində 100-cü kubokunu qazanıb.
Bu, ötən gün İspaniya Superkubokunun finalında "Real"a qarşı oyunda gerçəkləşib.
Səudiyyə Ərəbistanının Ciddə şəhərində baş tutan görüşdə rəqibini 5:2 hesabı ilə məğlub edən "Barselona" Kataloniyada keçirilən turnirlər nəzərə alınmadan tarixində 100-cü kubok qələbəsinə imza atıb.
İspaniya çempionatının 27 qat qalibi olan komanda ölkə kubokunu 31, Superkuboku 15, Eva Duarte Kubokunu 3, İspaniya Liqa Kubokunu 2 dəfə başı üzərinə qaldırıb. Bundan əlavə, Kataloniya təmsilçisi UEFA Çempionlar Liqasını 5, Kubok Kubokunu 4, Avropa Superkubokunu 5, Yarmarkalar Kubokunu 3, klublararası dünya çempionatını 3, Latin Kubokunu 2 dəfə qazanıb.
"Barselona"nın Kataloniya regional turnirlərində 33 qələbəsi var.
Qeyd edək ki, komanda hazırda La Liqanın turnir cədvəlində 38 xalla üçüncü pillədə qərarlaşıb.\\"Report"
XƏBƏR LENTİ
13 Yanvar 2025
ŞƏRHLƏRŞƏRH YAZ