İnsanlara hürriyət, millətlərə istiqlal!

Badenok Böyük Britaniya Mühafizəkarlar Partiyasının yeni lideri olub

Böyük Britaniyanın keçmiş biznes və ticarət naziri Kemi Badenok Mühafizəkarlar Partiyasının yeni lideri seçkilərində qalib gəlib.

Bu barədə “Report” “Reuters”ə istinadən xəbər verir.

Rişi Sunakın xələfinin seçimlərinin yekun mərhələsində torilərin rəhbəri postu uğrunda iki namizəd mübarizə aparıb: Kemi Badenok və keçmiş miqrasiya naziri Robert Cenrik.

Son turda səsvermə təkcə İcmalar Palatasının üzvləri yox, bütün partiya üzvləri üçün açıq olub. Səsvermənin nəticələrinə görə, Badenok səs çoxluğunu toplayaraq qalib gəlib.

Böyük Britaniyanın Baş naziri Kir Starmer Badenoku Britaniya parlamentində partiyaya rəhbərlik edən ilk qaradərili siyasətçi olması münasibətilə təbrik edib.

“Vestminster partiyasının ilk qaradərili liderinin olması ölkəmiz üçün qürurverici məqamdır. Britaniya xalqının maraqları naminə sizinlə və partiyanızla işləməyi səbirsizliklə gözləyirəm”, - hakim Leyboristlər Partiyasının rəhbəri Starmer deyib.

Badenoku artıq Mühafizəkarlar Partiyasının rəhbəri kimi onun sələfləri olan Devid Kemeron, Boris Conson və Rişi Sunak da təbrik ediblər.

ŞƏRHLƏRŞƏRH YAZ

Şərh yoxdur

ƏLAQƏLİ XƏBƏRLƏR

13.11.2024 51

Senata seçilən respublikaçılar Trampın dəstəklədiyi namizədə “yox” dedilər
13.11.2024 44

Rusiyada kərə yağının bahalaşması sürətləndi: Hakimiyyət inzibati üsullara əl atır
13.11.2024 204

Səudiyyə vəliəhdi Putinə zəng vurdu: Neft qiymətləri müzakirə olundu

XƏBƏR LENTİ

13 Noyabr 2024

BÜTÜN XƏBƏRLƏR