Onlayn ictimai-siyasi qəzet
Avtoservisə HÜCUM: "Tesla" avtomobilləri YANDIRILDI - VİDEO
ABŞ-ın Nevada ştatının Las-Veqas şəhərində "Tesla" avtomobillərinin olduğu servis mərkəzinə hücum edilib və bir neçə nəqliyyat vasitəsi qəsdən yandırılıb.
Musavat.com xəbər verir ki, hadisə yerli vaxtla gecə saatlarında baş verib və qısa müddət ərzində alov bütün ərazini bürüyüb.
Yanğınsöndürənlər hadisə yerinə cəlb olunsa da, bir neçə avtomobil tamamilə yanaraq yararsız hala düşüb.
Hadisənin kimlər tərəfindən və hansı məqsədlə törədildiyi hələ dəqiqləşdirilməyib. Hüquq-mühafizə orqanları insidentin məqsədyönlü hücum olub-olmadığını araşdırır.
"Tesla" şirkətinin qurucusu və baş direktoru İlon Mask hücuma sərt reaksiya verib. O, baş verənləri "terrorizm" adlandıraraq, bunun "Tesla"nın fəaliyyətini dayandırmağa yönəlmiş bir addım ola biləcəyini vurğulayıb.
Las-Veqas polisi və federal istintaq orqanları məsələ ilə bağlı araşdırmalara başlayıb. Hadisənin səbəbləri və günahkarların kimliyi ilə bağlı hələ ki, rəsmi açıqlama verilməyib.
@@TVmusavat/110939@@
Musavat.com
XƏBƏR LENTİ
19 Mart 2025
ŞƏRHLƏRŞƏRH YAZ