Onlayn ictimai-siyasi qəzet
Avrozonada işsizlərin sayı 11,1 milyon nəfəri keçdi
Bu ilin iyun ayında Avrozonada işsizlik may ayındakı 6,4 faizdən 6,5 faizə yüksəlib.
Musavat.com xəbər verir ki, bu barədə Avropa İttifaqının Statistika İdarəsi məlumat yayıb.
Trading Economics analitiklərinin konsensus proqnozu işsizliyin 6,4 faiz səviyyəsində qalacağını nəzərdə tuturdu. 2023-cü ilin iyun ayında da Avrozonada işsizlik də 6,5 faiz olub.
Bölgədə iyunda işsizlərin sayı may ayına nisbətən 41 min nəfər artaraq 11 milyon 122 min nəfərə çatıb. Bu zaman gənclər arasında işsizlik (25 yaşa qədər olan əhali) iyunda bir ay əvvəlki 14,2 faizdən 14,1 faizə düşüb.
Avrozonanın ən böyük ölkələri arasında ən aşağı işsizlik səviyyəsi Almaniyada (3,4 faiz), ən yüksək göstərici isə İspaniyada (11,5 faiz) qeydə alınıb. Üstəlik, Almaniyada bu rəqəm əvvəlki ayın səviyyəsində qalıb, İspaniyada isə may ayında 11,6 faizdən azalıb.
Fransada işsizlik iyunda 7,4 faizdə qalıb, İtaliyada isə 6,9 faizdən 7 faizə yüksəlib.
Ümumilikdə Avropa İttifaqında işsizlik ötən ay dəyişməyərək 6 faiz olub. 2023-cü ilin iyununda da bu səviyyədə idi.
Musavat.com
XƏBƏR LENTİ
22 Noyabr 2024
ŞƏRHLƏRŞƏRH YAZ